“Bir alim adı çəkə bilərsiniz?”

Bu sualı yazıçı Kəramət Böyükçöl müğənni Damla (Mənsumə İbrahimova) ilə müsahibə zamanı verib. Damla isə sualı cavabsız qoyub, çəkilişin dayandırılmasını istəyib. Ötən gün  Kəramət Böyükçöl müğənninin sözügedən müsahibəni “Youtube” kanalından sildirdiyini açıqlayıb. Damlanın prodüsseri Şamil İbrahimov Adalet.az-a açıqlamasında deyib ki, Kəramət Böyükçöl mənimlə razılığa gəlmişdi ki, onun telefonu yaxşı çəkiliş aparmadığı üçün çəkilişi mən aparım. Çəkiliş bitəndən sonra, kadrlar Kəramət bəydə qalacaq, o da kadrları montaja göndərəcək, hazır olandan sonra  göndərəcək bizə. Damla xanımla birlikdə ona baxacağıq və ən sonda-qərar veriləndən sonra Youtube kanalında yayımlanacaq. Belə olmadı. Biz müsahibəni Youtube kanalında izlədik, gördük ki, K. Böyükçöl söhbətin məğzindən uzaqlaşıb. Yeni bir şou göstərir. Biz inanmazdıq ki, Kəramətin fikri burda şou göstərmək olar”.

 

Prodüsser Şamil onu da vurğulayıb ki, videoya baxan kimi dərhal tədbir görməyə başladıq:”Qeyd edim ki, bizim Youtube kanalının Bakı bürosu  ilə müqaviləmiz var ki, bizim icazəmiz olmadan Damla xanım haqqında kanala heç bir video yerləşdirilməsin. Kanalla aramızdakı müqaviləyə əsasən həmin kadrları sildirdik və Böyükçölə xəbərdarlıq etdik ki, o müsahibə ilə bağlı paylaşım edərsə biz məsələni hüquqi müstəviyə daşıyacağıq. Yəni onu məhkəməyə verib, külli miqddarda təzminat tələb edəcəyik”.

Gundemxeber.az