Məşhur supermodel Adriana Lima 5 ildən sonra yenidən bir araya gəldiyi “Victoria's Secret”in yeni məhsulunun təqdimat mərasimində görüntülənib.

Gundemxeber.az bildirir ki, avqust ayında üçüncü övladını dünyaya gətirən Adriana Lima əvvəlki formasını bərpa edib və “Victoria's Secret” üçün poz verib.

Daha sonra model Paris Moda Həftəsi çərçivəsində getdiyi Fransada qaldığı hoteldə taxtabitilərin “hücumuna” məruz qalıb.

Limanın bununla bağlı sosial şəbəkədəki paylaşımı diqqət çəkib. Hoteldə keçirdiyi gecədən sonra Adriana Lima pərəstişkarlarının marağına səbəb olan fotosunu paylaşıb.

“İpucu verim… taxtabitilər…”, - deyə o qeyd edib.

Xatırladaq ki, daha əvvəl Paris rəsmiləri şəhəri taxtabitilərin “işğal etdiyini” açıqlayıblar.

Gundemxeber.az