Mifik, gözəgörünməz "qar adamı"nın yenə göründüyü iddia edilir. Ovçular belə söyləyirlər. Onların söylədiklərinə görə, bu dəfə bir yox, düz 4 "qar adamı"nın görüntülərini əldə edə biliblər. Milli.Az ABC-yə istinadən bildirir ki, video ABŞ-dakı Yellouston Milli Parkında çəkilib.

Videoda qarlı meşədə aramla yeriyən 4 canlı əks olunub. Canlılardan biri uzaqda iki ayaq üstə durub, 3-ü isə dörd ayaq üstündə gəzir. YouTube-da yayılandan sonra videonu şərh edənlərin tam əksəriyyəti görüntülərdə ağacların arasında ovçunun və onun qarşısında da 3 bizonun əks olunduğunu israr etsələr də, videonun müəllifi bununla razılaşmayaraq "qar adamlarının varlığına dəlalət edən material əldə etdiyini" yazıb.

"Yeti" və ya "qar adamı"nın varlığı ilə bağlı iddialar son 100 ildə səngimək bilmir.