Azercell-lə sərfəli internet hər yerdə

“4G MiFi və 3G USB Modem” kampaniyasında yenilik

Bütün dünyada olduğu kimi, Azərbaycanda da mobil internet istifadəçilərinin sayı gündən-gün artmaqdadır. Müştərilərinin tələbat və istəklərini daim öndə tutan ölkənin lider mobil operatoru Azercell Telekom da mobil internet istifadəçilərini sevindirəcək bir yenilik edir. Belə ki, 18.06.2015 tarixindən etibarən abunəçilər “Azercell-dən 4G MiFi və 3G USB Modem” kampaniyası çərçivəsində ilk ay verilən10GB bonus bitdikdən sonra, “SERFELİ” yazıb 2525-ə göndərməklə 10GB=10AZN paketindən yararlana biləcəklər. Abunəçi 10GB=10AZN internet paketini 2 üsulla aktiv edə bilər: SERFELİ yazib 2525-ə göndərməklə və Dealer Online proqramı vasitəsilə. Qeyd edək ki, 10GB=10AZN internet paketi yalnız ilk ayda abunəçiyə hədiyyə kimi verilən 10GB bonus bitdikdən sonra istifadə oluna bilər. Hər 30 gündən bir avtomatik olaraq yenilənən 10GB=10AZN internet paketindəki 10 GB internetin istifadə müddəti 30 gündür. Amma 10 GB-lik paket 30 gün müddətindən tez bitdikdən sonra da abunəçi internetsiz qalmır. Bu zaman internetin sürəti 128 Kb/s təşkil edəcək. Onu da nəzərinizə çatdıraq ki, 10 GB bonus və ya bonus müddəti (30 gün) bitdikdən sonra mövcud internet paketlərindən istifadə etmək üçün müvafiq açar sözü 2525-ə göndərilməlidir.

Məlumat üçün bildirək ki, şirkətin aprel ayında istifadəyə verdiyi “4G MiFi və 3G USB Modem” kampaniyası çərçivəsində Azercell-dən 4G MiFi and 3G USB modem alan hər bir abunəçiyə 10 GB həcmdə internet hədiyyə olunur. Kampaniya zamanı 3G USB modem üçün 20 AZN, 4G MiFi üçünsə, 80 AZN verilən nömrənin balansına yüklənilir və bunun qarşılığında abunəçiyə 10 GB pulsuz internet təqdim olunur.

Azercell bundan sonra da öz abunəçilərinə keyfiyyətli rabitə, peşəkar abunə xidməti və qabaqcıl texnoloji həllərlə yanaşı, geniş sayda kampaniyalar, xidmətlər və sərfəli tariflər təqdim etməkdə davam edəcək.

Daha ətraflı məlumat üçün [email protected] ünvanına müraciət edə bilərsiniz

Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq Azərbaycana Azercell gətirib: GSM texnologiyası, öncədən ödəmə mobil xidmətləri, GPRS/EDGE (mobil internet), 24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “ASAN İmza” və s. Azərbaycanın mobil rabitə bazarındakı payı 51.3% olan Azercell-in şəbəkəsi ölkə əhalisinin 99,8%-ni əhatə edir. 2014-cü ilin sonuna Azercell abunəçilərinin sayı 4,5 milyon nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 20 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaçı olan TeliaSonera şirkətlər qrupunun bir hissəsidir.