Qoç - hansısa addım atmaq və ya qərar qəbul etməkdən əvvəl, hədəfləri müəyyənləşdirin, məqsədləri bəlirləyin.

Ani istəklərin yerinə yetirilməsinə çalışarkən sizi əsl uğura apara biləcək yoldan çıxa bilərsiniz.
Yaxın ətrafınızdakı insanlar sizə faydalı məsləhətlər verirlər. Onları dinləyin, düşünün.

Xəyallara və arzulara aldanmayın, tamahın qurbanı olmayın. Gələcəyiniz barədə düşünməsəniz, məntiqsiz addımların atılması, ciddi səhvlərə yol verilməsi riski artır.

Yaxınlarınız sizi anlamırlar. Sevimli insanla münaqişə yarana bilər.
Kiçik travmalar riski var. Səhhətinizə fikir verin.

Buğa - hövsələsiz və tələskən olmayın. Bu gün başa vuracağınız ciddi iş kölgəyə düşə bilər. Təmkinli davranın, əks təqdirdə əlverişli şansı çox gözləməli olacaqsınız.

Belə olmayın. Perspektivdə sizi nələr gözlədiyini bilmədən impulsiv hərəkətlər etməyin. Soyuqqanlı olmasanız, işlərin nəticəsi yaxşı olmayacaq.

Mürəkkəb olmayan planlar, praktiki əhəmiyyəti olan ideyaların həyata keçirilməsi üçün əlverişli gündür.

Fəqət, yeni işə və ya layihəyə başlamazdan əvvəl başladığınız işi bitirdiyinizə əmin olun.
Tərəfdaşlar, dostlar, qohumlar və həmkarlara verdiyiniz vədləri yerinə yetirin.

Yaşlı qohumlarla ünsiyyət üçün yaxşı gündür.

Əkizlər - maliyyə durumunu təhlil edin. Vəziyyət istədiyiniz kimi yaxı olmadığından qənaət rejiminə keçin. Alış-veriş və əyləncəni təxirə salın.

Maliyyə axını zəifdir. Gəlir və pul ödənişi olmayacaq.
Borc pul verməyin, iri məbləğli müqavilə, sövdələşmə və ya anlaşmaya getməyin.
İşgüzar və şəxsi münasibətlər arzuolunan məcrada inkişaf etmir.

Yaxın ətrafınızdakı insanlarla asanlıqla dil tapmaq olar. Bir zaman güclü hisslərlə bağlı olduğunuz, amma sonra ayrıldığınız insanı geri qaytara bilərsiniz.

Uzunmüddətli öhdəliklər götürməyin. Həmin vədləri yerinə yetirmək ilk baxışdan göründüyü kimi asan deyil.

Xərçəng - çətin və laübəli gün olsa da, problemlərin öhdəsindən gələcəksiniz. Uğursuzluğa düçar olmayacaqsınız.

Yaşananları real dəyərləndirin. Hansısa iş alınmayanda təşvişə düşməyin. Kiçik problemlərə görə əhvalınızı pozmayın. Məntiqli, soyuqqanlı olun.

Yaxın ətrafınızdakı insanlar sizi təkrarlamağa çalışacaqlar.
Ailə üzvləriniz və qohumlarınız məsləhətlərinizi dinləsinlər. Onların maraqlarını müdafiə edin.

Əks cinsin mənsubu sizinlə maraqlanacaq. Şəxsi münasibətlər müstəvisində əlverişli gündür.

Şir - işlər çoxdur və tezliklə onların öhdəsindən gələcəyinizi düşünməyin. Yaxın ətrafınızdakı insanların təklif etdikləri yardımdan, köməkdən boyun qaçırmayın.

Əks təqdirdə çox uzun zaman çalışmalı olacaqsınız. Gələcəklə bağlı planları müzakirə edin. Riayət olunması çətinlik yaratmayan strategiyanı ərsəyə gətirmək mümkündür.

Bədxah və rəqiblərinizi üstələməyə çalışın. Onların sizə ziyan vurmalarına imkan verməyin. Maraqlı tanışlıqlar istisna deyil.

Rəğbət bəslədiyiniz insanla qarşılaşacaqsınız. Axşam saatları istirahət edin, stressdən qurtulun.

Qız - bəzi planlarınızı reallaşdıra biləcəyiniz gündür. Fəaliyyət sərbəstliyinə ehtiyacınız var.

Azad çalışın, amma çətinliklə qarşılaşanda etibar etdiyiniz insanı yardıma çağırın. Lider keyfiyyətlərinizi nümayiş etdirin. Köhnə və yeni tanışlarınızı ideyalarınızdan bir neçəsi ilə tanış edin. Təşkilati məsələlərin öhdəsindən tez, nöqsansız gəlin.

Anlaşma və sövdələşmələr üçün yaxşı gündür. İşgüzar intuisiyanız itidir. Şəxsi münasibətlərlə bağlı vəziyyət bir qədər qəlizdir.

Yaşanan situasiya ilə bağlı anlam və təsəvvürünüz dürüst olsun. Yad insanların davranışlarının məğzinə varmağa çalışmayın. Bu, çox çətin işdir.

Tərəzi - uğursuz gündür. Səbrsiz və əsəbi olmayın. Sərt açıqlamalar verməyin, aqressiv davranmayın, münaqişələrə səbəb olmayın.

Tək çalışmayın. Etibar etdiyiniz insanlarla birgə fəaliyyəti müzakirə edərək razılaşdırın.
Qarışıq, laübəli gündür. Rəhbərliklə təmaslar, dövlət qurumlarına baş çəkmək arzuolunan deyil.

Yaxın ətrafınızdakı insanlara çox mühüm, sizə isə önəmsiz təsir bağışlayan məsələlərin müzakirəsinə çox vaxt sərf olunur.

Günün ikinci yarısında maliyyə itkiləri istisna deyil. Alış-verişdə bədxərclik etməyin.

Əqrəb - günün ilk yarısı effektiv çalışın. Əlverişli şəraitdən maksimum faydalanın. Bugünkü ideyalarınız pis deyil və onları reallaşdırmaq ollar.

Gözlənilməz işgüzar təklif ala bilərsiniz. Təklif pis deyil, razılaşın. Karyera pilləkəni ilə yüksələ bilərsiniz.

Günün ikinci yarısı əlverişsiz təmayüllərlə zəngindir. Nigaranlıq və təlaş az olmayacaq. Mühüm qərarlar qəbul etməyin, ciddi addımlar atmayın. Səhv və yanlışlıq riski az deyil.

Oxatan - əhəmiyyətli hadisə yaşanmasa da, əhvalınız pis olmayacaq. İşdə və ya evdə yaranan kiçik çətinlikləri səy göstəsəniz, həll edə bilərsiniz.

Öz müşküllərinizi çözməklə yanaşı, yaxın ətrafınızdakı insanlara da yardım edin.
Maliyyə fonu rahatdır. İmkan varsa, alış-verişə çıxın.

Simiclik etməyin. Dəvət aldığınız tədbirə mütləq qatılın. Maraqlı tanışlıq istisna deyil. İşlərinizdə sizə yardıimçı ola biləcək insanlarla bir araya gələ bilərsiniz.

Axşam saatlarında istirahət edin.

Oğlaq - istənilən formatda və məzmunda danışıqlar aparmaq üçün uğurlu gündür. Toplantı və iclaslarda eqoist olmayın, danışılanları dinləyin.

Potensial tərəfdaşlarla dil tapmağa çalışın. Ehtiyac yaranarsa, opponentlərinizi fikirlərindən döndərin. Bu gün imzalanan sövdələşmələr böyük gəlir vəd edir.

İş yerini dəyişməklə bağlı fikri götür-qoy edin. Tələsməyin, bütün nüansları dəyərləndirin. Şəxsi münasibətlər harmonik inkişaf edir.

Laqeyd olmadığınız insanlarla münasibətləri pozmamağa çalışın. Ailə üzvləri ilə birlikdə səfərlərə çıxmaq olar.

Dolça - müsbət təmayüllərin təsiri yetərincə güclüdür. Əhvalınız normal deyil və buna görə də gün təlaş, narazılıq, tələskənliklə keçə bilər.

Şübhəli olmayın. Daim tələyə düşmək, yalanla üzləşmək ehtimalı ilə yaşamayın. Məşğul olduğunuz işə maksimum diqqət ayırın. Səhvlərdən kimsə xali olmasa da, mümkün qədər az yanlışlığa yol verin.

Nüfuzlu insanla təmasda olacaqsınız. Mövqelərinizi səbatlı etmək üçün həmin insanda xoş təəssürat yaratmağa çalışın.

İşdə çoxdan bəri can atdığınız məqsədə çata bilərsiniz. Lakin həmin məqsəd sizə dərhal gəlir vəd etmir.

Balıqlar - gün uğurludur. Dostlar və müttəfiqlərin təklif etdikləri yardımlardan imtina etməyin. Müstəqil işin yerinə yetirilmə müddəti uzana bilər.

Məsləhətlərdən yararlanın. Mühüm məsələlərin müzakirəsi üçün əlverişli gündür. Mübahisədə gerçək doğulur.

Təhsil, tədris, habelə ünsiyyət, bilik və bacarıqların artırılması üçün əlverişli vaxtdır. Önəmli sənədləri günün ikinci yarısında imzalayın.