Dünən “Elçibəy-80” İctimai Komitəsinin növbəti iclası keçirilib. İclasda indiyə kimi görülən işlərlə bağlı məruzə dinlənilib.

İclasda millət vəkilləri Qüdrət Həsənquliyev, Fazil Mustafa, partiya sədrləri Mirmahmud Ağaoğlu, Pənah Hüseyn, Sülhəddin Əkbər, Aqil Səmədbəyli və digər ictimia-siyasi şəxslər iştirak edib.

Qərara alınıb ki, Əbülfəz Elçibəyin 80 illik yubileyi tədbiri 22 iyun saat 11-də keçiriləcək. İyunun 24-ü saat 10:30-da Əbülfəz Elçibəyin məzarı ziyarət olunacaq.

80 illik yubileylə bağlı təkliflər hazırlanması və işlərin davam etdirilməsi üçün İşçi Qrupuna tapşırıqlar verilib. Yazının müsabiqəsinin gedişatı, kitabların nəşri və xüsusi buraxılışla bağlı məlumatlar dinlənilib və bu istiqamətdə işlərin sürətləndiriləsi tövsiyə olunub.

Bundan başqa, Arzu Səmədbəyli çıxışında məlumat verib ki, iyunun 9-u və 10-da Ankarada, Moskvada və İsveçin Göteburq şəhərində Əbülfəz Elçibəyin 80 illik yubileyi ilə bağlı tədbirlər keçiriləcək.