Özünü din xadimi kimi təqdim edərək mütəşəkkil cinayətkar dəstəyə başçılıq edən Adnan Oktar və təşkilatına qarşı açılan istintaq işində axtarışlar davam edir.

Bu dəfə təşkilatın qərargah kimi istifadə etdiyi villadan tapılan kitab polisləri belə şoka salıb.
İstanbul Korrupsiya ilə Mübarizə İdarəsi əməkdaşlarının axtarışları nəticəsində Oktarın evində müqəddəs “Tövrat” kitabının əlyazması tapılıb. Bununla yanaşı, bir yük maşını qədər tarixi əsər aşkar edilib.
Tapıntılar incələnməsi üçün Ayasofiya Muzeyi ilə Türk-İslam Əsərləri Muzeyinə aparılıb. Tapılan müqəddəs kitabın sadəcə sinaqoqlarda rast gəlindiyi və nadir bir əlyazma olduğu bildirilib.
Hazırda kitabın Oktarın əlinə necə keçməsi araşdırılır./publika.az