2030-cu ildən gəldiyini iddia edən zaman yolçusu Nuh (Noah) gələcəkdə baş verəcək hadisələrlə bağlı konkret tarixlər açıqlayıb.

Gundemxeber.az Teleqraf.com-a istinadən Nuhun son video müraciətində gələcəklə bağlı açıqladığı konkret hadisələrin xronologiyasını təqdim edir.

Zaman yolçusu qeyd edib ki, 2030-cu ilə qədər ABŞ və Şimali Koreya arasında müharibə başlayacaq. Eyni zamanda insanın kompüterə transferi nəticəsində ölümsüzlük əldə ediləcək.

Onun iddialarına görə, 2019-cu ilin yanvarında dünya yadplanetlilərin inkarına səbəb olacaq partlayış baş verəcək. Həmin ilin fevralında isə ABŞ-ın Qərb hissələrinə dəhşətli qar yağacaq. Bu, indiyə qədər görünməyən qar yağışları olacaq.

2019-cu ilin aprelində yeni müalicə üsulu kəşf ediləcək və bu görmə qabiliyyətini itirən insanların yenidən görməsinə vəsilə olacaq.

2019-cu ilin iyun ayında hərəkət qabiliyyətini itirən insanlar üçün çip texnologiyası tətbiq olunacaq.

2020-ci ilin yanvarında “A1 Machidan” adlı insan robotun istehsalına başlanılacaq və ona qarşı dünyada böyük etirazlar keçiriləcək.

2020-ci ilin noyabrında ABŞ prezidenti Donald Tramp yenidən ölkə prezidenti seçiləcək.

Nuh qeyd edib ki, 2028-ci ildə dünyada ikinci sənaye inqilabı baş verəcək.

2028-ci ilin avqustunda yad planetlilər və zaman maşını ictimaiyyətə açıqlanacaq.

Nuha görə, 2028-ci ilin noyabrında Martin Lüter Kinqin nəvəsi, 20 yaşlı Yolanda Rene Kinq ABŞ prezidenti seçiləcək.

2029-cu ilin fevralında isə “The One” adlanan çip texnologiyası insanlarla ünsiyyətə başlayacaq və bundan sonra insanların sağlamlığı, habelə beyin funksiyası daima izləniləcək.