Zeytun yağından istifadənin sağlamlıq baxımından böyük faydaları var. Bununla belə, bu vəziyyətdə düzgün doza çox vacibdir. Foodinfo.az xəbər verir ki, bu barədə Florida Universiteti və ABŞ-ın Milli Diabet və Həzm və Böyrək Xəstəlikləri İnstitutunun alimləri bildiriblər.“Journal of the American Heart Association” jurnalında dərc olunan araşdırmada 40 qadın və kişi iştirak edib. Könüllülər zeytun yağı olan bitki mənşəli qidalar yeyiblər: birinci qrup gündə dörd yemək qaşığı, ikincisi bir qaşıq yağ istehlak edib.İlk həftədə bütün iştirakçılarda xolesterol və digər kardiometabolik azalma müşahidə olunub. Ancaq zeytun yağı istehlakı yüksək olan qrupda xolesterol səviyyələri tezliklə yenidən artıb.Alimlər vurğulayıblar ki, sağlamlığı yaxşılaşdırmaq üçün zeytun yağından istifadə edərkən diqqətli olmaq lazımdır, çünki yüksək istehlak səviyyəsi xolesterol səviyyəsinin artmasına səbəb olur. Bu yağdan gündə bir xörək qaşığı kifayətdir.

Gundemxeber.az