Hazırda həbsdə olan siyasi fəal Bəxtiyar Hacıyev Azərbaycanın birinci vitse-prezidenti Mehriban Əliyevaya məktub yazıb. GUNDEMXEBER.AZ bildirir ki, bu barədə Gununsesi.info-ya Hacıyevin qardaşı Vüqar Hacıyev bildirib.

“Bəxtiyar Hacıyev bu günlərdə yaxın dostumuz Rail Abbasovun həbs edilməsi ilə bağlı ölkənin birinci vitse- prezidenti Mehriban Əliyevaya rəsmi məktubla müraciət göndərib. Müraciətdə bildirilib ki, Rail Abbasovun tək günahı dostluğa sadiqliyi, mərdliyi və açıq fikirli olmasıdır. O, birinci xanımdan Rail Abbasovun ən qısa zamanda azad olunmasına köməklik etməsini xahiş edib”.
Qeyd edək ki, Bəxtiyar Hacıyev Azərbaycanda insan haqlarının vəziyyətini tənqid edən şəxslərdən biri olub.
Bir sıra beynəlxalq təşkilatlar Azərbaycan hökumətindən Bəxtiyar Hacıyevi azad etməsini tələb edib.
 

GUNDEMXEBER.AZ