Tunisin “əl-Şuruk” qəzeti vətəndaşları Suriyadakı vətəndaş müharibəsində iştirak edən ölkələrin siyahısını dərc edib.

Virtualaz.org saytı haqqin.az portalına istinadən xəbər verir ki, “terrorçu ixracı”nın real vəziyyətini əks etdirən həmin siyahıya Çeçenistan başçılıq edir. Son dövrlər azərbaycanlı yaraqlıların da Suriyada döyüşməsi brədə çoxsaylı informasiyalar yayılsa da Azərbaycnın adı bu siyahıda ümumiyyətlə yoxdur.

“Terrorçu ixracı” siyahısını təqdim edirik:

1. Çeçenistan, 14000 yaraqlı, onların 3671-i öldürülüb, 1397-si itkin düşüb.

2. Səudiyyə Ərəbistanı, 12000 yaraqlı, 3872-si öldürülüb, 2689-u itkin düşüb.

3. İraq, 11000 yaraqlı, 2791-i öldürülüb, 667-si itkin düşüb.

4. Livan, 9000 yaraqlı, 2904-ü öldürülüb, 72-si itkin düşüb.

5. Türkiyə, 5600 yaraqlı, 1946-sı öldürülüb, 14-ü itkin düşüb.

Siyahıda sonrakı yerlərdə Fələstin (5000 yaraqlı, 2018 ölü, 69 itkin), Liviya (müvafiq olaraq 4400, 2893 və 780), Tunis (4000, 2645 və 1315), Misir (2600, 1894 və 640), İordaniya (2400, 1672 və 46), Somali (780, 371 və 240), Yəmən (1600, 1201 və 600), Pakistan (1900, 986 və 150), Əfqanıstan (1200, 899 və 370), Rusiya (750, 258 və 56), Küveyt (700 yaraqlı, 406 ölü), Əlcəzair (600, 388 və 38), Mərakeş (550, 217 və 38), Almaniya (668, 142 və 9), həmçinin Fransa (450, 107 və 4) gəlir.