Həmcinsini qarət edən qadın ötən ildən itkin düşübmüş

Kriminal İtkin düşmüş hesab edilən qadın oğurluq etdiyinə görə saxlanılıb.
Bağdad Xanlarovanın evindən pul, qızıl, məişət və geyim əşyaları oğurlanıb. Qadının şikayəti əsasında Suraxanı rayon Polis İdarəsi 32-ci polis bölməsi əməkdaşlarının keçirdikləri əməliyyat-axtarış tədbirləri nəticəsində oğurluq edən şəxsin kimliyi məlum olub. Polis oğurluqda şübhəli bilinən Könül Həsənova tutulub.

Araşdırmalar zamanı daha bir maraqlı məqam ortaya çıxıb. Məlum olub ki, Könül Həsənova ötən ilin oktyabrın 9-dan itkin düşüb.