Dünən gün ərzində 66 cinayət faktı qeydə alınıb.

Bu haqda informasiyanı Daxili İşlər Nazirliyinin mətbuat xidməti yayıb.

Xəbərdə deyilir ki, iyulun 9-da respublikanın daxili işlər orqanları tərəfindən qeydə alınmış 66 cinayət faktından 29-nun üstü “isti izlər”lə açılıb.

Cinayət Məcəlləsinin müxtəlif maddələri ilə axtarılan 9 nəfər tutularaq istintaq orqanlarına təhvil verilib.

Respublikanın avtomobil yollarında qeydə alınmış 8 yol-nəqliyyat hadisəsi nəticəsində 5 nəfər ölüb, 12 nəfər yaralanıb.

Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklərlə əlaqəli 9, qanunsuz saxlanılan silah-sursatla bağlı bir fakt müəyyən edilib.

Cinayət törətdiyinə görə 24 nəfər tutulüb.