Şad günləri qeyd etmək üçün restoran və ya şadlıq sarayı axtarırıq.Hansı daha yaxşıdır, yeməklər keyfiyyətlidir, xidmət qaydasındadır və sair, və sair. Əslində bütün bu amilləri tənzimləyən standartlar var.Ancaq buna əməl edilmir.Yoxlamaların nəticəsi belə deməyə əsas verir.Məhərrəmlik səbəbi ilə Bakıda yaranan toy fasiləsi şadlıq evlərində ortaya çıxan nöqsanları aradan qaldırmaq üçün yəqin ki, fürsət olacaq.Əgər olmazsa, məclis iştirakçıları əlaqədar komitəyə müraciət edə bilər.

40 - dan artıq iaşə obyekti , o cümlədən şadlıq sarayı stanadrtlara cavab vermir.Bunu aparılan yoxlamar deməyə əsas verir.

Standartlaşdırma, metrologiya və patent üzrə dövlət agentliyi son bir ildə 100-dən çox iaşə və şadlıq sarayında standartların tədbiqinə dair araşdırmalar aparıb. Ortaya acınacaqlı faktlar çıxıb.

Nöqsanlar aşkar olunan şadlıq saraylarının sahibləri cərimə olunublar. Fiziki şəxslər 1500-2000, hüquqi şəxslər isə 4000 ilə 5000 manat arasında.

Tələblərə gəldikdə isə, bir il əvvəl qəbul edilmiş standartlarda bütün sahələr əhatə olunub. Məsələn hər bir məhsula individual yanaşmadır. Amma mətbəxlə bağlı konkret tələblər var.

Şadlıq evlərində səs akustikası da diqqət mərkəzindədir. Qaydalara görə, səs norması 85 desibeldən artıq olmamalıdır.

Ofisiantlara gəldikdə isə, bu, ən ağrılı yerlərdən biridir. Vətəndaşlara xidməti yalnız sertifikatlaşdırılmış və ya bu sahə üzrə təhsil almış şəxslər edə bilərlər. (xəzərxəbər)