Guya Həsən Həsənov erməni diversantın məhkəməsində iştirak edib

Ermənistanda azərbaycanlı girovlar barəsində aparılan saxta məhkəmə sona çatmaq üzrədir. Ermənilər Azərbaycan torpaqlarında girov götürlən vətəndaşlarımıza qarşı ağlasığmaz ittihamlar irəli sürüb. Bir müddət əvvəl Azərbaycanda əsir olmuş və beynəlxalq təşkilatların vasitəçiliyilə 3-cü ölkəyə göndərilən Smbat Çakanyan da bugünkü prossesdə iştak edb və ağlasığmaz ittihamlar səsləndirib.



ANS TV-nin məlumatına görə, ermənilər beş aydır əsirlikdə saxladıqları Kəlbəcərdən olan girovlar üçün bu gün növbəti məhkəmə prosesini keçirib. Dilqəm Əsgərov və Şahbaz Quliyev üçün təşkil olunan məhkəmə şousunda girovlarımız ata-baba torpaqlarına getdiyi üçün mühakimə ediliblər. Məhkəmə məzhəkəsində girovlarımız saxlanılarkən onların üzərindən götürülən əşyalar nümayiş etdirilib. Guya Dilqəm Əsgərovun üzərindən götürüldüyü iddia edilən avtomatla yetkinlik yaşına çatmayan Smbat Çakanyan öldürülüb. Bundan başqa, məhkəmədə o da iddia edilib ki, girovlarımız Smbat Çakanyandan 87 min dram pulu, yəni 157 AZN pulunu və şəxsiyyət vəsiqəsi, hərbi bilet, telefon kartları, idman geyimi və pencək oğurlayıb.



Şahbaz və Dilqəm onlara qarşı sürülən iddiaların əsassız olduğunu deyərək üzərlərində avtomat deyil yalnız ov tüfəngi olduğunu söyləyiblər. Məhkəməyə şahid qismində, başqa sözlə desək Şahbaz və Dilqəmin üzünə durmaq üçün vaxtilə Azərbaycan tərəfə keçmiş eməni diversantı Akop İnciqulyan da gətirilib. Hansı ki, bu İnciqulyan 2013-cü ilin avqust ayında Azərbaycan tərəfinə keçərək Ermənistana qayıtmaqdan imtina etdiyini söyləmişdi. Akop ölkəmizə keçmə səbəbini Ermənistan ordusunda işgəncələrə məruz qaldığı, dözülməz vəziyyətlə üzləşdiyi ilə izah edərək, ümumiyyətlə Qarabağda döyüşmək istəmədiyini vurğulamışdı.



Azərbaycan tərəfinə keçmiş erməni diversantı Akop İnciqulyan bunları demişdi: "Yemək-yeyib, içki-içirdik uşaqlarla. Tağım komandiri məcburən məni su dalınca göndərməyi əmr verdi. Təpiklə gözümə vurdu, bu zaman aramızda dava düşdü. Bu səbəbdən də məcbur olub, bura könüllü şəkildə Azərbaycana tərəfinə keçdim”.



İndi isə maraqlısı odur ki, bir ildən çox Azərbaycanda qalan və bu müddət ərzində ona çox yaxşı qayğı göstərildiyini, yüksək şərait yaradıldığını deyən İnciqulyan bu gün bizim girovlara saxta şahidlik edir. Hətta məhkəmədə dindirilərkən Akop İnciqulyan vaxtilə Azərbaycana tam fərqli səsdən keçməsini açıqlayıb. O, görmə qabiliyyətinin zəif olduğundan ərazini düzgün təyin edə bilmədiyindən Azərbaycana keçdiyini deyərək əsirlikdə işgəncələrə məruz qaldığını bəyan edib.



Amma kadrlardan da görünür ki, o, Azərbaycanda əsirlikdə qaldığı müddətdə onun üzərində işgəncə əlamətləri yox idi və halından çox məmnun görünürdü. Bu yalanlardan sonra Akopun məhkəmədə doğrunu söylədiyinə necə inanmaq olar. Akopun daha bir uydurma açıqlaması o olub ki, guya Azərbaycanda əsirlikdə olduğu müddətdə onun dindirilməsində Həsən Həsənov iştirak edib. Hansı ki, həmin Həsən Həsənov ki, Şahbaz və Dilqəm ilə birlikdə girov götürülüb bir müddət sonra isə ermənilər onu öldürüblər. Bir aydan çoxdur ki, başlayan girovların məhkəsinin növbəti prosesi dekabrın 12-ə təyin edilib.