Ötən şənbə Bakının Səbayıl rayonunda ABŞ-ın Azərbaycandakı səfirliyinin birinci katibi Stefan Qaysinin oğlu 1997-ci il təvəllüdlü Ceremi Qaysi yol qəzasının qurbanı olub. Bu barədə vesti.Az-a Səbayıl rayon Polis İdarəsindən bildiriblər.

Bildirilir ki, Badamdar şosessində, 129 saylı binanın qarşısında Ceremi Qaysini İran istehsalı olan «Saipa Tiva» markalı avtomobil vurub. Avtomobili Bakı sakini, 1978-ci il təvəllüdlü Zaur Rzayev idarə edirmiş. Nəticədə səfirliyin birinci katibinin oğlu «SOS» klinikasına çatdırılıb və burada ilkin tibbi yardım göstərildikdən sonra evə buraxılıb. Faktla bağlı araşdırma aparılır.