Hacıqabulda 32 yaşlı kişi itkin düşüb.

Hacıqabul Rayon Polis Şöbəsindən (RPŞ) APA-ya daxil olan məlumata görə, rayonun Rəncbər kənd sakini Sənubər Əhmədova 28 dekabr 2014-cü ildə RPŞ-yə müraciət edərək oğlu, Sumqayıt şəhərində anadan olmuş, Rəncbər kəndində yaşayan 1982-ci il təvəllüdlü Məmmədov Rərviz Yaqub oğlunun bu il dekabrın 27-də saat 15:00 radələrində evdən çıxdığını və bir daha evə qayıtmadığını bildirib.

Pərviz Məmmədovun əlamətləri: boyu 164 sm, arıq bədən quruluşlu, saçı qırxılıb, dişləri çürüyüb. Evdən çıxarkən başında qara rəngli idman papağı, əynində içərisi ağ xəzli qara gödəkcə, qara rəngli şalvar və ayağında qara rəngli qış ayaqqabısı olub.

Hacıqabul RPŞ tərəfindən itkin şəxsin axtarışları hələlik nəticə verməyib. Onu görənlərdən aşağıdakı telefonlara zəng etmələri xahiş olunur.

Əlaqə nömrələri: 021 204 10 32; 051 974 55 60