"Azərbaycana xaricdən tibbi fəaliyyət göstərmək üçün gələn həkimlər arasında qanunları pozanlar da olub. Ancaq onlar da nizam-intizama lazımınca riayyət etməlidirlər"

Qeyd etmək gərəkir ki, Azərbaycana gələn bütün əcnəbi həkimlər və digər sahələr üzrə çalışan əcnəbilər, respublikamızda mövcud olan qanunlara lazımınca riayyət etməlidirlər. Səhiyyə nazirinin müavini Elsevər Ağayev bildirib ki, Azərbaycana həkim kimi işləmək məqsədilə gələn miqrantlarla bağlı müəyyən limitlər var: Nazir müavini qeyd edib ki, "Bu limitlər də, Səhiyyə Nazirliyi ilə razılaşdırılıb. Bizim Dövlət Miqrasiya Xidməti ilə apardığımız danışıqlara görə, Səhiyyə Nazirliyinin təklifi ilə o limitlərdən də kənar mütəxəssislərin gəlməsi üçün şərait yaradılır". E.Ağayev onu da deyib ki, xaricdən gələn bəzi həkimlərin öz profillərinə uyğun fəaliyyət göstərməsi və onların göstərdikləti tibbi xidmətlərin keyfiyyəti ilə bağlı da müəyyən boşluqlar var. Ancaq bu məsələ də SN-nin diqqətindədir. Nazir müavini bu sahədə də pozuntuların olduğunu acıqlayıb: "Sözsüz ki, qanunları pozan adamlar da olur. Ancaq onlar da nizam-intizama cəlb olunurlar". E.Ağayev Azərbaycandan xaricə müalicə üçün getmə hallarına münasibət bildirib: "Azərbaycanda bu gün həyata keçirilə bilməyən əməliyyat yoxdur. Azərbaycanda sümük iliyinin transplantasiyası, orqan nəqli, böyrək, qaraciyər köçürülməsi həyata keçirilir. Ancaq xəstəxananın və həkimin seçimi insanların öz işidir. Dünyanın başqa ölkələrinə də, müalicə üçün müraciət edənlər olur. Bu da xəstələrin öz işidir". İstərdim məni və bütün xalqı düşündürən bir suala cavab axtarım. Görəsən bu millət nəyə görə Azərbaycandan kənarda olan həkimlərə müraciət edir. Hətta insanların əllərində əlacı olsa da, adi bir xəstəlik üçün də xaricə gedib əcnəbi həkimlərə müraciət edər. Mənə elə gəlir ki, bu suala dərhal cavab tapmaq olar. Yəni hamıya məlum olduğu kimi, bu məsələ hər kəsin qlobal problemi olan pul məsələsidir. Gorəsən niyə insanlar xaricə gedib-qayıtmağa, pul xərcləməyə etinatsız qalmırlar və geri döndükləri zaman sağlam səhətinə qovuşurlar? Ölkəmizin bu qədər yüksək inkişafına baxmayaraq, ancaq Səhiyyəmizdə yetərincə təcrubəyə malik olan həkimlərin sayı məhdud səviyyədədir. Hətta təcrübəli həkimlərə müraciət etmək üçün gərəkdir ki, adamın aylıq məvacibinin yarısını qəbula yazılarkən “qeydiyyat ödənişi” deyilən bir ödəmə etsin. Bu ödəmə yalnız qeydiyyat üçündür. Bəs görəsən bir adamın müalicəsi neçəyə başa gələcək? Hərçənd ki, qəbul olunmuş sərancamlara, qanunlara əsasən heç bir dövlət xəstəxanasında rüsumdan kənar ödəniş olunmamalıdır, amma bunlar yalnız kağız üzərində qalmaqdadır.

Bugünki gündə əgər biz insanların niyə xaricə getmələrinə və niyə əcnəbi həkimlərə müraciət etmələri sualına cavab axtarırıqsa, bunun cavabı təkdir, “İnsanlara yetərincə müalicə lazımdırsa, qədərindən artıq pulu olmalıdır. Əgər pula imkanı yoxdursa müalicə yoxdur”. Ancaq bu məsələni tam əksinə dəyişərək, sanki insanlar kefindən xaricə gedir və əcnəbi həkimlərə müraciət edirlər. Bu məsələdə, “Allah hər kəsə imkan qismət eləsin” deməkdən başqa bizə heç nə düşmür...