Bu gün çəkilən yüzlərlə fotoşəklin içində günün fotosu bu olsun gərək.

Şəkildə üç pəzəvəng kişi tərəfindən qolu burulan, ağzı tutulan qız müxalifət fəalıdır.

Bu gün o, "Parlament buraxılsın" tələbi ilə mitinqə çıxmışdı. Bu ölkədə sərbəst toplaşmaq hüququndan istifadə etmək istəyənlərin başına nə gəlirsə, o da eyni aqibətlə üzləşdi.

Onun ağzını tutan və var qəsdi ilə güc sərf edən, daxilindəki bütün gərginlik, nifrət və hiddət sifətini çıxmış bu polis əməkdaşı bu sayaq fotosunun saytlarda gəzməsindən əsla utanmayacaq, əksinə, qürur duyacaq, iş yoldaşları arasında təşəxxüslə gəzəcək.



Çünki o yaxşı bilir: belə epizodlara görə rəislə onu məzəmmət etməyəcəklər, mükafata təqdim edəcəklər.

Bu şəkildəki qız isə bu və digər şəkilləri ilə öyünməsə də, xəcalət də çəkməyəcək. Çünki o. "Azadlıq" deyərkən, azadlıq, haqq-ədalət tələb edərkən tutulub.

Bəs o kimdir? O Nərgizdir. Bunu satirik şair Mirzə Sakit hələ 6 ay əvvəl yazdığı bir şeirində də demişdi.

O NƏRGİZDİR

Bir bayrağin kölgəsində milyonlara - Qalxın- deyən

Buxovlanmış Xalqa bu gün hökm edənə, hökm eləyən
Həqiqətdən, haqdan doğan gur səsiylə nur ciləyən,
Dalğaları şahə qalxan, uğultulu bir dənizdir
O Nərgizdir

Mətinliklə addimlayır günəşli bir kainata
Sol tərəfdə arkadaşı, sağ tərəfdə məğrur ata
Yuz illiyin paklığıyla imza atib Müsavata,
O imzadan sevə-sevə nur götürən nur bənizdir
O Nərgizdir

Onun səsi gələn gündən biz də bir az ucalmışıq
Onunla bir siradayıq, demirəm ki, qocalmışıq
Sözümüzlə, izimizlə duşmənlərdən öc almışıq
Yol axtardiq iz axtardiq, düşmək üçün o ,bir izdir
O Nergizdir

Harayında Inqilaba yol göstərən üsyan səsi
Baxışında həsrət dolu Azadlığın salnaməsi
Meydanlarda hayqıraraq yatanlara Qalx! deməsi,
Atillaya, Babur şaha, Gürqan xana o ekizdir!
O Nergizdir

Inaniram - Bir səsinə səs verəcək milyon ərən,
Cəsarətli addımıyla Liderlərə yol göstərən
Yad ellərdə soruşsalar Lideriniz kimdi görən,
Qürurlanıb deyəcəm ki, Liderimiz əvəzsizdir,
O Nərgizdir.