Rəsmi İrəvan Avropa Oyunlarının Bakıda keçirilməsinə mane olmaq niyyətindədir

Ermənistan dövlətinin rəsmiləri göründüyü qədərilə Avropa Oyunlarının Bakıda keçirilməsindən olduqca narahatdır. Bu narahatlığı Ermənistanın daimi nümayəndəsi Arman Kirakosyan ATƏT-in Daimi Şurasında çıxışı zamanı bildirib. Ermənistan nümayəndəsi çıxışı zamanı yaxın günlərdə cəbhə bölgəsində erməni əsgərlərinin öldürülməsi aktlarının Azərbaycan tərəfinin gizli müharibə aparması ilə bağlayıb.

Sübut olaraq isə Azərbaycan Müdafiə Naziri Zakir Həsənovun “Hər gün bir erməni öldürməliyik” kimi təlimat verməsini əsas gətirib. Daha sonra Azərbaycana qarşı olmazın ittihamlar səsləndirən Ermənistan nümayəndəsi ilk dəfə Azərbaycanın diametri 120 mm olan ağır artilleriyadan istifadə etdiyini iddia edib. Onun sözlərinə görə, rəsmi Bakı Dağlıq Qarabağ münaqişəsində yeni hərbi taktikaya keçid alıb və “gizli” müharibə aparır. Ən düşündürücü məqam isə ondan ibarətdir ki, Ermənistan nümayəndəsi bu hərbi-siyasi müstəvidə ittihamları səsləndirməklə yanaşı, gözlənilmədən Avropa Oyunlarının Bakıda keçiriləcəyi məsələsinə də toxunub. Əvvəlcə Avropa ölkələrinin Avropa Oyunlarında iştırak etmələri məqsədi ilə Azərbaycana gələcəklərini qınayıb. Onların erməni hərbçilərini qətlə yetirən bir ölkədə olmalarını məqsədəuyğun hesab etməyən erməni rəsmisi, görünür erməni separatçılarının törətdiyi Xocalı soyqrımını və hələ də torpaqlarımızı əsarət altında saxladıqlarına rəğmən yarışlara qatılacaqları və Azərbaycana gələcəkləri ilə bağlı razılıq vermələrindən böyük ehtimalla xəbərsiz olub. Bu da erməni rəsmisinin düşmən mövqedə olan bir dövlətin Bakıda keçiriləcək oyunlarda iştirak etdiklərinə dair razılıq verdikdən sonra, Avropa ölkələrinin oyunlarda iştirakını qınaması lduqca gülünc görünür.

Bu gün rəsmi İrəvanın ATƏT-in Daimi Şurasında Azərbaycana və bütün Avropa dövlətlərinə qarşı təhdidlər yağdıra bilməsi, ilk növbədə ATƏT-in növbəti qüsuru hesab edilməlidir. Əslində Arman Kirakosyan öz təhdidləri ilə sadəcə Ermənistanın bütün beynəlxalq normalara və beynəlxalq hüquqa qarşı mövcud mövqeyini ortaya qoydu. Daim cəbhə bölgəsində atəşkəsi pozan erməni tərəfinin, erməni əsgərlərinin öldürülməsindən və ya Azərbaycan tərəfinə keçmək niyyətini sərgiləyən erməni əsgərlərinin elə ermənilərin özləri tərəfindən qətlə yetirilməsi kimi faktlarının olduğu halda, Azərbaycana qarşı səslənən bu ittihamlar əsassızdır. Lakin Ermənistanın daxili çaxnaşmalarından və problemlərdən bixəbər erməni səfiri öz ölkəsinin daxili problemlərini çözmək və daha sağlam xarici siyasət yürütmək əvəzinə, bu gün ATƏT-in Daimi Şurasında təhidlər yağdırması, əslində Ermənistanın “diplomatiyası”nın baris nümunəsidir. Çünki Arman Kirkosyan kimi ən azından Ermənistan ordusunda erməni döyüşçülərinə qarşı baş verənləri belə bilmədiyi halda, bu gün Azərbaycana və Avropaya qarşı ultimatum irəli sürməsi Ermənistanın “kortəbii” və diplomatiyadan uzaq siyasi balansının mövcud vəziyyətini şərh etmiş oldu. Arman Kirkosyan təhdid edərək bildirir: “Rəsmi Bakı bilməlidir ki, Ermənistanın da müasir texnika və silahları var. Azərbaycan o qədər də böyük dövlət deyil. Ermənistan isə uzaq məsafələri hədəfə ala biləcək silahlara malikdir. Ona görə də, əgər Avropa ölkələri Azərbaycanda keçiriləcək oyunlarda iştırak edərsə, bizim hədəfimiz Azərbaycan olacaq”.

Bu təhdidlərə görə, rəsmi Bakı dərhal Ermənistanın oyunlarda iştirakına və Avropa oyunlarının yayımlamasına qadağa qoymalı, beynəlxalq hüquq tərəfindən məsuliyyətə cəlb olunmalı və ATƏT-in Daimi Şurasında bu cür əsassız ittihamlar və təhdidlər yağdırması üçün yaradılan şəraitə görə, ATƏT-in fəaliyyətini qınamalıdır...