Azərbaycan paytaxtında yaşayış evi yanıb.

Hadisə Suraxanı rayonu, Hövsan qəsəbəsi, O. Şabanov küçəsində qeydə alınıb.

Yaşayış evinin söndürülməsinə 3 yanğınsöndürən maşın cəlb edilib. Həyata keçirilən tədbirlər nəticəsində yanğın söndürülüb.

Yanğın kəşfiyyatı zamanı ev sahibəsi, 1948-ci il təvəllüdlü Səlimova Tamilla Miryusif qızının yanmış meyiti aşkar edilib.

Yanğının baş vermə səbəbləri hələlik məlum deyil.

Faktla bağlı araşdırmalara başlanıb /apa/.