Prezident İlham Əliyev Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.

Sərəncamda qeyd olunur ki, Azərbaycanın neft sənayesi sahəsində səmərəli fəaliyyətinə görə aşağıdakı şəxslərə Azərbaycan Respublikası Prezidentinin fərdi təqaüdü verilsin:

İbrahimov Şikar Allahverdi oğlu
İslamov İslam Zəli oğlu
Yusubov Namaz Puti oğlu

Nazirlər Kabinetinə bu sərəncamdan irəli gələn məsələləri həll etmək tapşırılıb.

Dövlət başçısının digər sərəncamı ilə Azərbaycan neft sənayesinin inkişafında xidmətlərinə görə aşağıdakı şəxslərə Azərbaycan Respublikasının fəxri adları verilib:

“Əməkdar mühəndis”

Ağayev Sərvər Səfərxan oğlu

Məmmədov Aqil Nəcəfəli oğlu

Ramazanov Fazil Əziz oğlu

Səfərov Rüfət Mirzəbəy oğlu

Zülfüqarov Elçin İzzətəli oğlu

“Əməkdar hüquqşünas”

Orucov Eldar Ağaverdi oğlu

Prezident İlham Əliyev Azərbaycan Respublikasının neft sənayesi işçilərinin təltif edilməsi haqqında da sərəncam imzalayıb.

Sərəncamda deyilir ki, Azərbaycan neft sənayesinin inkişafında xidmətlərinə görə təltif edilsinlər:

"Şöhrət" ordeni ilə

Bəylərbəyov Vitaliy Vladimiroviç
Qənbərov Qabil Ağasəf oğlu



"Şöhrət" ordeni

"Tərəqqi" medalı ilə

Ağayeva Nabat Qubat qızı
Arzumanzadə İmran Yaqub oğlu
Bayramov Faiq Qiyafəddin oğlu
Bayramov Yusif Muhmademin oğlu
Binyatov Cahangir Murtuza oğlu
Cəbrayılov Cəbrayıl Səfər oğlu
Eminov Ədalət Şirin oğlu
Əhmədov Vidadi Hüseyn oğlu
Əhmədzadə Ədnan Azər oğlu
Əliyev Samid Qalib oğlu
Əliyev Tərlan Allahverdi oğlu
Gülbabayev Məhəmməd Muxtar oğlu
Hacıyev Əkbər Hacı oğlu
Hümbətov Bəhruz Yusif oğlu
Hüseynov Elbrus Əli oğlu
Hüseynova Natiqə Sahib qızı
İbrahimov Fazil Səttar oğlu
İmanov Vahid Məhərrəm oğlu
İsmayılov Səfər Yunis oğlu
Qafarov Nazim Əli oğlu
Qarayev Ayaz Ağaverdi oğlu
Qasımov Ənvər Allahyar oğlu
Quliyev Zeynalabdin Həmid oğlu
Mehdiyeva Xuraman Həzi qızı
Məmmədov Dilqam Qədir oğlu
Məmmədov Rəcəb Mösüm oğlu
Məmmədov Şahzadə Qılman oğlu
Mir Babayev Mir Yusif Fazil oğlu
Mürsəlov Gündüz Abasqulu oğlu
Mürşüdov Alməmməd Abdul oğlu
Nəcəfov Firudin İsa oğlu
Ramaldanov Meyvəddin Əmirçoban oğlu
Rəcəbov Yaşar Kazım oğlu
Rüstəmov Nağı Bəxtiyar oğlu
Süleymanov Fuad Salman oğlu
Süleymanov Rasim Mənsur oğlu
Şamilov Valeh Məmməd oğlu
Şıxəliyev Yusif Ataman oğlu
Şıxəlizadə Tokay Murad oğlu
Şiriyev Eldar Ataxan oğlu
Yavuz Kenan Mecit
Yunusov Ramiz Əlibaba oğlu



"Tərəqqi" medalı


Azərbaycan Prezidentinin 16 avqust 2001-ci il tarixli fərmanı ilə 20 sentyabr hər il Azərbaycanda "Neftçilər günü" peşə bayramı kimi qeyd edilir. Qeyd edilən tarix Azərbaycanda 1999-cu və 2004-cü ildə, yəni "Əsrin müqaviləsi"nin imzalanmasının beşinci və onuncu ildönümü rəsmi səviyyədə bayram kimi qeyd edilib. "Neftçilər günü"ndə adətən sənayenin bu sahəsində əldə edilən uğurlar və qarşıda duran əsas məsələlər müzakirə edilir. Həmin gün bu sahədə xüsusi xidmətlər və fədakarlıq göstərən fəhlə və mütəxəssislərə dövlət başçısının fərman və sərəncamları ilə fəxri adlar, orden və medallar verilir.
20 sentyabr 1995-ci ildə Azərbaycan Prezidenti Heydər Əliyevin təşəbbüsü ilə Bakıda, "Respublika" sarayında "Əsrin müqaviləsi"nin imzalanmasının birinci ildönümü münasibəti ilə neft-qaz sənayesi kollektivlərinin nümayəndələri ilə görüş keçirilib.Bu görüşdən sonra hər il 20 sentyabrda Azərbaycan Prezidenti Heydər Əliyevin neft-qaz sənayesi kollektivləri ilə görüşləri mütəmadi xarakter alıb.

Bu gün “Neft Daşları” kimi tanınan məkan bəzən dünyanın səkkizinci möcüzəsi, yeddi gəmi adası, möcüzələr adası da adlandırılıb. Abşeron yarımadasından 42 kilometr cənub-şərqdə yerləşən Neft Daşları dənizin dibinə bərkidilmiş metal dirəklərin üstündəki estakadalar üzərində dəniz səthindən bir neçə metr hündürlükdə salınıb.
Əfsanəvi Neft Daşlarının kəşfi neftçi-geoloq Ağaqurban Əliyevin adı ilə bağlıdır. Ərazidə ilk kəşfiyyat buruğunun yerini məşhur neftçi Yusif Səfərov müəyyənləşdirib, ilk kəşfiyyat quyusunu isə Mixail Kaveroçkinin briqadası qazıb.
1948-ci il noyabrın 14-də yağışlı, tufanlı bir gündə “Qara daşlar”a “Pobeda” gəmisində 23 nəfərdən ibarət qrup gəlir. Onlar ilk qazma qurğusunu və briqada üçün kiçik evcik tikirlər. Xərclərə qənaət məqsədilə 7 istifadəsiz iri gəmi gətirilərək “Qara daşlar”ın yanında basdırılır. Gəmilər neftçiləri dalğalardan qoruyur, onlar üçün ev, anbar, idarə, istirahət yeri olur. Bu səbəbdən də həmin illərdə “yeddi gəmi adası” ifadəsi işlədilir.
1949-cu il noyabrın 7-də ilk yatağın 942 metr dərinliyindən neft fəvvarə vurur və bununla da dənizdə neftçıxarmanın əsası qoyulur. Quyunun gündəlik istismarı 100 ton idi. Bu nailiyyətin şərəfinə ərazinin əvvəlki adı “Qara daşlar” “Neft Daşları” ilə əvəzlənir. Üç il sonra burada dünyada ilk dəfə olaraq estakadalar tikilir. 1957-ci il noyabrın 21-də güclü qasırğa zamanı 21 nəfər faciəli şəkildə həlak olur. Çətin dəniz şəraitində çalışan, dalğalarla üz-üzə qalan qəhrəman neftçilərimiz 1958-ci ildə “Neft Daşları”nda yeni qəsəbənin bünövrəsini qoyurlar.
Neft Daşları haqqında “Möcüzələr adası”, “Qara daşlar”, “Xəzər neftçiləri haqqında povest”, “Dəniz fatehləri”, “Dənizdə möcüzə”, “İki Xəzər”, “Polad dirəklər üzərində şəhər”, “Neft Daşları - su üzərində şəhər” və digər filmlər çəkilib.