Ötən gün saat 20:00 radələrində metronun 28 may stansiyasında sərnişinlə polis arasında insident olub. Cebhe.info əməkdaşının verdiyi məlumata görə, mübahisə xanım sərnişinin çantasının yoxlanması ilə bağlı yaranıb. Xanım daim həmin marşrut üzrə hərəkət etdiyini bildirərək, çantasının yoxlamasına etiraz edib. Bunun qarşılığında polis qadının digər çantalarını açdıraraq yeni aldığı paltarları yerə tökməsini tələb edib. Bu tələbə hiddətlənən qadın digər polis əməkdaşlarını məsələyə müdaxilə etməyə çağırsa da, stansiyadakı digər polislər insidentə müdaxilə etməyib. Qadın öz növbədində bununla bağlı DİN və çalışdığı dövlət qurumuna şikayət edəcəyini bildirib: “Heç bir qanunda qadının alt paltarlarını yerə tökdürmək yazılmayıb”. Qadın dövlət qurumunda işlədiyini əsas gətirərək özünü Cebhe.info əməkdaşına təqdim etməkdən imtina edib: “Əgər sıravi vətəndaş olsaydım bunu televiziyalar səviyyəsində ictimailəşdirərdim”.

Rövşən