Kəpəz TV (Region TV) xəbər verir ki, Samuxun Çobanabbdallı kəndinə gedən yolda ölümlə nəticələnən yol nəqliyyat hadisəsi baş verib.
Bu gün səhər saatlarında Gəncədəki "İmamzadə"ni ziyarət etdikdən sonra Samuxun Çobanabdallı kəndinə - yaxınlarının qəbrini ziyarətə gedən qohumlar qəzaya düşüblər. "Daewoo" markalı avtomobilin ağaca çırpılması nəticəsində sürücü, 27 yaşlı Nizami Məmmədov və sərnişini hadisə yerində dünyasını dəyişib.
Əraziyə çağırılan FHN-in əməkdaşları deformasiyaya uğrayan maşından meyitləri çıxararaq adiyyatı üzrə təhvil veriblər.
Ağır bədən xəsarətləri alan daha 2 nəfər Gəncə Şəhər Təcili Tibbi Yardım Xəstəxanasına gətirilib.
Hadisənin başvermə səbəbləri araşdırılır.