Əməkdar artist Lalə Məmmədova sosial şəbəkədə ünvanına yazılan tənqidlərə əsəbiləşib.

Axşam.az-ın məlumatına görə, müğənni paylaşdığı şəkilləri qınayanlara cavab verib:

"Dünəndən sosial şəbəkədə paylaşdığım şəkillərin altından yazılan şərhləri oxudum. Bəziləriniz ürəkdən təəssüf hissi ilə, bəziləriniz sanki çoxdandı ürəyində qalan antipatiyasını izah etmək üçün 1 məqam axtarırmış kimi, bəziləriniz isə etik normaları aşaraq fikirlər yazmısınız. Hamınızın fikrinə hörmətlə yanaşıram. Amma bir məqama diqqət yetirməlisiniz: mən həm müğənni, həm də aktrisayam. Bu şəkillər retro stilindədir, yəni 19-cu əsrin sonrları 20-ci əsrin əvvəllərini əks etdirir. Şəkillər iş prosesi zamanı çəkilib. Bu alışdığınız Lalə deyil, obrazdır. Bir az diqqətli və anlayışlı olun. Hamınız mənim üçün dəyərlisiniz".