Füzulidə qaçqınların müvəqqəti məskunlaşdığı Fin qəsəbəsində bədbəxt hadisə baş verib.

gundemxeber.az "qafqazinfo"ya istinadən bildirir ki, 12 yaşlı Ağayev Qara İsmiəli oğlu boğularaq ölüb. Buna səbəb uşağın boğazına yaylıq bağlayaraq oynamağı olub.

Belə ki, iki mərtəbəli çarpayının üzərində oynayan uşaq qəflətən yıxılıb və boğazındakı yaylıq taxtaya ilişərək onu boğub.

Qara Ağayevin həyatını xilas etmək mümkün olmayıb.

Hadisə ilə bağlı araşdırma aparılır.