Yanvarın 20-də Bakıda 3 nəfərin xəsarət alması ilə nəticələnən yol qəzası baş verib.

gundemxeber.az Lent.az-a istinadən bildirir ki, Səbail rayonu ərazisində, Su İdmanı Sarayının yaxınlığında "Mercedes" markalı 2 avtomobil toqquşub. Qəza nəticəsində maşınların birinin sürücüsü, 1971-ci il təvəllüdlü Qasımov Ağaəli Məmədqasım oğlu, onun oğlu, 2005-ci il təvəllüdlü Qasımov Mehman Ağaəli oğlu və digər avtomobilin sərnişini 1984-cü il təvəllüdlü Həmidova Səbinə Mirzəbəy qızı xəsarət alaraq xəstəxanaya aparılıblar.