Bakı şəhərində və Beyləqan rayonunda yanğın hadisələri baş verib.

Trend-ə Fövqəladə Hallar Nazirliyindən (FHN) verilən məlumata görə, paytaxtın Binəqədi rayonunda vətəndaşa məxsus ümumi sahəsi 9 kv.m olan dəmir köşkün taxta üzlüyü və bitişik ümumi sahəsi 12 kv.m olan tikilinin yanar konstruksiyaları yanıb.

Yaxınlıqdakı tikililər yanğından mühafizə olunub. Yanğın saat 17:44-də yanğınsöndürənlər tərəfindən söndürülmüşdür;

Hmçinin Beyləqan rayonunun Mil qəsəbəsində (rayon mərkəzindən 20 km aralı) ümumi sahəsi 200 kv.m olan birmərtəbəli 4 otaqdan ibarət inzibati binanın yanar konstruksiyaları yanıb.

Yaxınlıqdakı tikililər yanğından mühafizə olunub. Yanğın saat 21:38-də yanğınsöndürənlər tərəfindən söndürülüb.