"WhatsApp" daha bir yeniliyi ilə istifadəçilərini sevindirməyə hazırlaşır.

gundemxeber.az anspress-ə istinadən bildirir ki, mesajlaşma sistemi səsli danışıqları da şifrələyəcək.

"Apple" və Federal Təhlükəsizlik Bürosu arasında istifadəçi gizliliyi ilə bağlı davam edən anlaşılmazlıq digər şirkətləri də hərəkətə keçirib. Bir çox şirkətin dəstəyini alan "Apple"dan sonra digər qurumlar da istifadəçilərinin təhlükəziliyini təmin etmək üçün ciddi işə başlayıblar.

Ani mesajlaşma sistemi olan və milyonlarla isifadəçiyə xidmət edən "WhatsApp" yaxın həftələrdə səsli mesajların da şifrələnərək istifadəçilərin təhlükəsizliyi, gizliliyinin ön planda tutulacağını açıqlayıb. "The Guardian"da yer alan məlumata görə, ümumiyyətlə şirkət təhlükəziliklə bağlı fəaliyyətini daha da artıracaq.

Bu barədə qərarın Braziliyada "Facebook" rəsmisinin həbsindən sonra verilməsi diqqətçəkən məqamdır. Rəsmi şəxs Braziliya hökumətinin "WhatsApp"dakı mesajlaşmaları təqdim etmək tələbini rədd etdiyi üçün saxlanılmışdı.

Belə ki, bu sistem göndərən və alan arasındakı mesajları tamamilə şifrələyir. Bunun üçün də bu yazışmaları təqdim etmək mümkün deyil.

"WhatsApp" smartfonlar üçün ani mesajlaşma mübadilə sistemidir. Mətn mesajlarını, təsvirləri, videonu və audionu göndərməyə imkan verir. Messenceri yaratmış şirkətin 2009-cu ildə Cen Koum və Brayan Akton tərəfindən əsası qoyulub. Şirkətin mərkəzi ofisi Santa-Klara Kaliforniya ştatında yerləşir.

Bir neçə il öncə bu sistem "Facebook" tərəfindən satın alınıb. Məhz bundan sonra sistemdə bir çox yeniliklər edilib, istifadəçi sayı artıb.

ABŞ Federal Təhqiqatlar bürosu (FBİ) ötən ilin dekabr ayında San-Bernardino şəhərində 14 nəfərin həyatını itirdiyi, 18 nəfərin yaralandığı hücumu təşkil edən və hadisə yerinə gələn təhlükəsizlik qüvvələri tərəfindən öldürülən 28 yaşlı Seyid Ridvan Faruka aid olduğu təxmin edilən "iPhone" markalı telefonun 10 rəqəmli şifrəsinin açılması üçün "Apple"a müraciət edib.

"Apple"dan verilən açıqlamada şifrənin açılmasının bütün dünyada iPhone telefonu və istifadəçiləri üçün gizlilik hüququnun pozulması mənasına gələ biləcəyi ifadə edilib.