Qazaxıstanın tanınmış modellərindən sayılan İrina Livşun özünü yandıraraq intihar edib.
31 yaşlı İrina 15 yaşından bəri model idi. O, bir çox yerli model agentlikləri ilə çalışıb.
Milli.Az KP-yə istinadən bildirir ki, əslən Jezkazqan şəhərindən olan İrina Almatıya yollanandan sonra orada böyük uğur qazanmış, sonra bir neçə il xaricdə işləyib.
Məhz bu səbəbdən dostları və rəfiqələri İrina Levşununun Almatının həndəvərində yanmış cəsədinin tapıldığını eşidəndə şoka düşüblər.
İrina son 4 ayda işsiz idi. Üstəlik, rəfiqələrinin dediyinə görə, İrina modellik üçün "artıq qocaldığını" deyirdi.

Polisdən verilən məlumata görə, İrina Levşun özünü yandıraraq intihar edib. Cəsədin yanında içində benzin olan kanistr və sənədlərin olduğu çanta tapılıb.
İrinanın stilisti Vlad Bajanov söyləyir: "İrinanın intihar etdiyinə inanmıram. Hadisə yerinin yaxınlığında olmuş şahidlərin dediklərinə görə, orada qadın qışqırığı eşidilib. Üstəlik, İrinanın həmin vaxt gənc kişi ilə birlikdə olduğu deyilir".

Almatı polisinin yetkilisi Saltanat Azirbekov isə Daily Mail-ə bildirib ki, İrinanın ailə üzvləri və qohumları mərhum modelin son həftələrdə dərin depressiyada olduğunu söyləyiblər: "İrina işsiz idi, ciddi maliyyə problemləri ilə üzləşmişdi".
İrina Levşun Almatı yaxınlığındakı "Medeu" qış idman kompleksinin aşağısında, dərədə özünü yandırıb.