Ağdamda intihar faktı qeydə alınıb.

gundemxeber.az APA-ya istinadən bildirir ki, hadisə rayonun Soltanbut meşəsi adlanan ərazidə baş verib. Rayonun Şıxlar kəndindən məcburi köçkün, 1959-cu il təvəllüdlü Salahov Hüseyn Salah oğlu həyətindəki ağacdan özünü asaraq intihar edib. H.Salahovun meyidi ailə üzvləri tərəfindən aşkarlanıb.

İntiharın hansı səbəbdən baş verdiyi dəqiq bilinmir. Faktla bağlı Ağdam Rayon Prokurorluğunda araşdırma aparılır.