Bu gün Azərbaycan, Rusiya, İran xarici nazirlərinin Bakıda keçirdiyi görüş zamanı maraqlı hadisə yaşanıb.

RİA Novosti agentliyinin yazdığına görə, nazirlər danışıqlar masasına oturarkən zalda olan 70-ə yaxın jurnalist elə qələbəlik yaradıb ki, mühafizə xidməti onları güclə otaqdan kənara çıxara bilib.

Qələbəlik nazirlərin əhval-ruhiyyəsinə təsir etməyib. Fotoqraflar onları çəkdiyi zaman nazirlər zarafatlaşıblar da.

“Onlar hər dəfə məni əlimi burnuma toxunduranda çəkmək istəyirlər” – Rusiya xarici işlər naziri Sergey Lavrov gülərək belə deyib.

Qeyd edək ki, üçtərəfli görüş zamanı Dağlıq Qarabağdakı hadisələr və Xəzər dənizində əməkdaşlıq müzakirə edilib.