Sabunçu rayonunun Kürdəxanı qəsəbəsində güclü yanğın baş verməsi barədə xəbərlər həqiqəti əks etdirmir.

Bu barədə APA-ya FHN-in mətbuat xidmətindən məlumat verilib.

Məlumatda bildirilir ki, qəsəbədə yanğın qamışlıq ərazidə baş verib və 500 kv.m sahəni əhatə edib.

"Yanğınsöndürənlər alovun yayılmasının qarşısını alaraq söndürüblər. Heç bir evə, şəxsi təsərrüfata və obyektə ziyan dəyməyib", - deyə bildirilib.

Qeyd edək ki, bəzi saytlar Kürdəxanı qəsəbəsində yanğının 6 evə ziyan vurduğu barədə məlumat yayıb.