Maliyyə idarəsinin müdiri Vidadi İsayevlə bağlı hansı kompramantlara malikdir?

Əksər regionlarda durumun ağır olduğunu hər kəs bilir. Bir sıra məmurların özbaşınalığı, qanundankənar hərəkətləri rayon sakinlərinin yaşayışlarını daha da ağırlaşdırır. Aidiyyatı qurumlara müraciət edilsə də, heç bir tədbir görülmür. Elə məmurlar var ki, ölkə qanunlarına əhəmiyyət vermədən, öz “qanunlarını” həyata keçirməklə məşğuldur. gundemxeber.az AzFakt.com-a istinadla xəbər verir ki , Bərdə rayon Maliyyə İdarəsində bu cür vəziyyət yaşanır. Bərdədə fəaliyyət göstərən bütün idarə və müəssisələr, büdcə təşkilatları yerli Maliyyə İdarəsinin müdiri Rza Əliyevin əlindən boğaza yığılıblar.

15 ilə yaxındır Bərdə maliyyə idarəsinin müdiri işləyən Rza Əliyevin əlindən cana doyan büdcə təşkilatlarının rəhbərləri yaşanan bu cür özbaşınalıqları artıq dilə gətirməyə başlayıblar. AzFakt.com-a Bərdə rayonundan verilən məlumata görə yerli idarə müdirləri Rza Əliyevin qanunsuzluqlarından, özbaşınalıqlarından təngə gələrək dəfələrlə icra başçısı Vidadi İsayevə müraciət ediblər. Lakin rayon ira başçısı bir şəkildə maliyyə idarəsinin müdirinin özbaşınlalıqlaırna göz yumub. Mənbəmiz Vidadi İsayevin Rza Əliyevin qanunsuzluqlarına sakitcə göz yummasının arxasında onun yanında "çepe" sinin olması ilə əlaqələndirdi. Belə ki, bir neçə il bundan öncə Rza Əliyevlə Vidadi İsayev, rayon icra hakimiyyəti başçısının müavini - ictimai-siyasi və humanitar məsələlər şöbəsinin müdiri Fəqət Şadlinskaya və digər xanım qonaqlar məclisdə iştirak ediblər. Həmin məclisdə Rza Əliyevin Vidadi İsayevlə və müavini barədə çox ilginc bir kompramanta sahib olduğu deyilir. Mənbəmiz rayon icra başçısının maliyyə idarəsinin bu kompramanta sahib olduğunu bildiyi üçün Rza Əliyevə qarşı heç cür çıxa bilmədiyini dedi.

Bu gün Bərdədə maliyyə idarəsi müdirinin qaydalarından biri məhz rayondakı bütün idarə və müəsissə rəhbərlərinin onun icazəsi olmadan işə adam qəbul etməməsidir. Bildirilir ki, Rza Əliyevin iazəsi olmadan və ondan gizlin hansısa bir idarəyə işçi götürlərsə həmin müəsissə rəhbərinin günü qara olur. Belə ki, maliyyə idarəsinin müdiri onun qanunlarını tapdalayan həmin idarə müdirini uzun müddət get gələ salmaqla bərabər, dövlətdən ayrılan vəsiatləri istədiyi vaxta qədər gecikdirə bilir. Bu isə idarə müdiri üçün ciddi problemə çevrilir. Ancaq Rza Əliyevin büdcə təşkilat rəhbərlərinə təzyiqi bununla bitmir.Mənbəmiz qeyd edir ki, hər bir idarədəki "ölü can"lar üçün Rza Əliyev öz hesabını alır. Lazım olanda isə büdcə təşkilatlarına ayrılan əlavə vəsaiti kəsməklə, bağlamaqla idarə müdirinin "belini "qırır. Məhz bu cür metodlarla büdcə rəhbərlərini daimi təzyiq altında saxlayan Rza Əliyev onlar üçün qorxulu kabusa çevrilib. Bu gün Bərdə rayonunda ən böyük oliqarxlardan biri məhz Rza Əliyevdir. Dövlətin vəsaitlərini 15 ilə yaxındır mənimsəyən bu şəxsin böyük obyektlərinin, mal-mülkünün olduğu deyilir. Maliyyə idarəsinin müdiri Bakı şəhərində polis orqanında işləyən oğlu üçün bahalı avtomobil, mənzillər aldığı bildirilir. Qeyd edək ki, Bərdə rayon maliyyə idarəsinin müdiri Rza Əliyevin mal-mülkü, obyektləri, varidatı və idarə müdirinin "məşhur qonaqlıqda" icra başçısı və müavini barədə hansı kompramanta sahib olması ilə bağlı yaxın günlərdə oxucularımıza ətraflı məlumat verəcəyik.

Məsələ ilə bağlı qarşı tərəfin də mövqeyini işıqlandıra bilərik.