Həbsxanada ölüm halları ilə bağlı İlham Əliyevə müraciət edildi

Pentensiar Xidmətin Qobustan Həbsxanasında ölüm hadisəsi baş verib. Hadisə aprelin 21-də baş verib. Həbsxanada cəza çəkən ömürlük məhkum İsmayıl Fəxri oğlu Məmmədov həbsxanada ürək çatışmazılığından dünyasını dəyişib. İsmayıl Məmmədov 1999-cu ildə Ali Məhkəmənin hökmü ilə ömürlük azadlıqdan məhrum edilib.

Bundan başqa, ötən həftə Bakı Ağır Cinayətlər Məhkəməsində Qobustan həbsxanasında məhkumu öldürməyə cəhddə ittiham olunan Ramiz İmaniyevin cinayət işi üzrə məhkəmə prosesi başa çatıb. Məhkəmənin hökmü ilə Ramiz İmaniyev 17 il müddətinə azadlıqdan məhrum edilib.

Hadisə Ədliyyə Nazirliyinin Qobustan həbsxanasının 512-ci kamerasında baş verib. Ramiz İmaniyev kamera yoldaşı Ağasadıq Əliyevin yatdığı yerdə üstünə qaynar su tökərək yandırıb.

Ağasadıq Əliyevə tibbi yardım göstərildiyi üçün həyatını xilas etmək mümkün olub. Ramiz İmaniyev Cinayət Məcəlləsinin 126.2.3-cü (xüsusi amansızlıqla, zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı sağlamlığa ağır xəsarət yetirmə) və 317-ci (Cəzaçəkmə müəssisələrinin və ya istintaq təcridxanalırının normal fəaliyyətini pozma) maddəsi ilə ittiham edilib.

Qeyd edək ki, bundan əvvəl Ramiz İmaniyev Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham edilib və məhkəmənin hökmü ilə 15 il müddətinə azadlıqdan məhrum edilib.

Hadisə zamanı xəsarət alan Ağasadıq Əliyev isə “Eurovision 2012” mahnı yarışması ərəfəsində Azərbaycan Prezidentinə sui-qəsdə cəhddə hazırlıqda, Milli Təhlükəsizlik Nazirliyinin polkovnikini öldürməkdə təqsirli bilinib. O, Bakı Ağır Cinayətlər Məhkəməsinin hökmü ilə məhkum olunub.

Əlavə edək ki, Ağasadıq Əliyev Vüqar Padarovun rəhbərlik etdiyi dəstənin üzvü olub. İttihama görə, Vüqar Padarov və onun rəhbərlik edəcəyi silahlı dəstənin üzvləri cari ilin aprel ayının əvvəlində Azərbaycan Prezidentinin Şimal-Qərb bölgəsinə planlaşdırılan səfəri zamanı dövlət başcısına qarşı terror aktı həyata keçirməyi, hüquq-mühafizə orqanlarına silahlı basqınlar təşkil etməyi, bu strukturların

əməkdaşlarını öldürülməyi və inzibati binalarda olan silah-sursat ələ keçirməyi planlaşdırıblar. Eyni zamanda bir sıra ziyarətgahlar, məscidlər və başqa dini konfessiyalara məxsus ibadət yerləri partladılmalı idi.

Ömürlük məhkumların müdafiə komitəsinin sədri Müslümat Tzaxanova bildirib ki, aprelin 21-də növbəti Qobustan Həbsxanada ömürlük məhbus Samayıl Məmmədov ürək çatışmamazlığından vəfat edib: “Həbaxanaya Fikrət Qafarovun rəis təyin olunduğu gündən həbsxanada məhbus ölümlərinin səbəbi rəisin məhbusların saxlanma şəraitini öz qəddar metodlarından istifadə edilməsinin nəticəsidir. Onun qəddarlıqları nəticəsində özünəqəsd, vaxtında tibbi yardım göstərilməməsi, müəmmalı ölümlərin sayı bunu sübut edir. Həbsxanada baş alaraq gedən kobud qanun pozuntuları ilə məhbuslara tətbiq edilən mənəvi işgəncələr- səbəbsiz olaraq, qapalı kameralarda da insan ləyaqətini alçaldan tərzdə, ağrılı vəziyyətdə məhbuslara əl qandalı tətbiq edilməsi halları artıb. Hətta cərimə təcridxanada amansızcasına döyülərək, tam lüt soyundurub, qollarını ağrılı vəziyyətdə, çarpayıya qandallayaraq, uzun müddət belə vəziyyətlə saxlandığı barədə məhbus şikayəti də mövcuddur. Cüzi problemə görə əvvəl kluba apararaq amansızcasına döyüldükdən sonra cərimə təcridxanasına salınması, məhbusları zorakılıqla bir-biri ilə tam əkc xasiyyətli məhbuslarla bir kameraya salınması halları artıb”.

Komitə sədrinin sözlərinə görə, ömürlük məhkum Ramiz İmaniyev onunla bir kamerada qalmaması üçün həbsxana rəhbərliyinə müraciət edib: “Müraciət edəndən sonra Ramiz İmaniyevin kamerasını dəyişiblər. Amma sonradan yenə də Ramiz İmaniyevi zorakılıqla Ağasadıq Əliyevlə eyni kameraya salıblar. Onlar eyni kamerada olsalar da, heç vaxt yola getmədiyini rəis bilirdi. Eyni ilə hazırda Ceyhun Qəribovun, Arif Quliyevin həyatı təhlükədədir. Onlar da zorakılıqla bir-biri ilə uyğun olmayan xüsusiyyətli məhbusla bir kameraya salınmışlar. Ceyhun bədən xəsarəti də alb) , məhbusa mənəvi işgəncə növü olaraq, hər gün saxlandığı kameranı axtarış

bəhanəsi ilə kameranı tam dağıdıb, icazəli məişət avadanlıqları sındırılmaqla, ərzaqlarını yararsız hala salmaqla, bütün həyati vacib sənədləri, məhkəmələrlə, Dövlət Başçısı, əlaqədar nazirlik və idarələrlə, vəkil və nümayəndələrlə, hətta məxfi sayılan sənədləri ilə əlaqədar yazışmaları, konfiska edilərək əllərindən alınaraq mənəvi təzyiqlərə məruz qoyub, cəmiyyətdən tam təcrid edib, zorakılıqla sağlam məhbusu xəstə məhbusla bir kameraya yerləşdirməklə qəsdən xəstəliyə yoluxdurur. Bununla Fikrət Qafarov tərəfindən həbsxanada gestapo hitler saxlama şəraitinin yaradılması nəticəsində həbsxanada məhbus ölümünün sayını artırıb”.

Müslümat Rzaxanovanın sözlərinə görə, Avropa Şurası İşgəncələrə Qarşı Nazirlər Komitəsinin dəfələrlə ömürlük məhbusların saxlanma şəraitinin yaxşılaşdırılmasına tövsiyyələrinə baxmayaraq, bu gün Qobustan həbsxanasında məhbusların cəmiyyətdən tam təcrid olunması,vaxtında tibbi yardım göstərilməməsi, ömürlük məhbus mərkəzi müalicə müəssisəsinə xəstəliyin ağırlığına görə yox, həbsxana rəisindən icazə almaqla (icazə ala bilsələr) yanaşı xəstəxanada yer olanda aparılır: “Vu da onların ölümünə səbəb olur. Ömürlük məhbusları bu yolla məhv edilməsinin qarşısının alınması ilə əlaqədar dəfələrlə əlaqədar rəhbərliklərinə müraciət etsək də, bu artıq sistem halı alıb. Biz məhbus yaxınları hazırda məhbusların həyatına yaranmış təhlükənin qarşısının alınmasına, bütün insan haqları təşkilatlarına, əlaqədar nazirlik və idarə rəhbərlərinə,köməklik etməyini xahiş edirik. Dövlət başçısına müraciət edirik və xahiş edirik ki, ömürlük məhbusların işgəncələrlə öldürən, həbsxana rəisi Fikrət Qafarovun cinayətkar hərəkətləri araşdırılaraq, qanun çərçivəsində məsuliyyətə cəlb edilsin. Onun qəddarlıqlarını sübut edən kifayət qədər faktlar mövcuddur”.

gundemxeber.az