17:34

Şabran rayonunda qəbristanlıqda başlayan yanğın genişlənməyə başlayıb.

gundemxeber.az "Report"a istinadən bildirir ki, əraziyə Şabran yanğından mühafizə xidmətinin 4, həmçinin Siyəzən və Qubadan yanğınsöndürən maşınlar cəlb olunub.
Yanğın Şabranın Dağbilici kənd ərazisinə keçib. Ətraf əraziləri bürüyən yanğının söndürülməsinə kənd sakinləri də qoşulublar.
Hazırda yanğınsöndürənlər alovun yaxınlıqda yerləşən Şabran meşəsinə keçməsinin qarşısının alınması üçün tədbirlər həyata keçirirlər.
İlkin ehtimallara görə, Şabran ərazisində yerləşən Xaltan qəbristanlığında başlayan yanğına səbəb həmin qəbristanlığı ziyarət edənlərin əraziyə atdığı siqaret kötükləri olub. Qəbristanlıqda 300-ə yaxın qəbir var, bir sıra qəbirlərə ziyan dəyib, bütün ağacların gövdəsi yanıb.

14:20

Şabran ərazisində yerləşən Xaltan qəbristanlığında yanğın başlayıb.

gundemxeber.az "Report"a istinadən bildirir ki, yanğın Taxtalar kənd ərazisinin biçilmiş əkin sahəsində başlayıb və qəbristanlığa keçib.
Yanğın nəticəsində qəbirlərin bir çoxunun sinə və baş daşları tanınmaz hala düşüb.
Hadisə yerinə Fövqəladə Hallar Nazirliyinin Şabran Rayon Yanğından Mühafizə Xidmətinin canlı qüvvəsi və texnikası cəlb olunub.
Hazırda 20 hektar sahəni əhatə edən yanğın davam edir. Əraziyə əlavə yanğınsöndürən maşınlarının gətiriləcəyi gözlənilir.