Rüfət Əliyev: “Öz acınızı özünüz çəkin, öz probleminizi özünüz həll edin. Heç kimdən heç nə ummayın, bu, oğullarınızı uğrunda qurban verdiyiniz dövlət olsa belə.”

Şəhid ailələrinə və Qarabağ qazilərinə dövlətin ögey münasibəti haqqında zaman-zaman mətbuatda və sosil şənəkədə gedən xəbərlərdə çox rast gəlmişik. 2-5 aprel döyüşlərindən sonra şəhid ailələrinə ögey münasibət son günlərdə gündəmin əsas mövzusuna çevrilib. Az qala hər gün xoş olmayan bu cür xəbərləri eşidirik…

Bir neçə gün öncə Mingəçevirdə kredit borcuna görə bankın şəhid ailəsinə təzyiqi ilə bağlı xəbərlər ictimailəşəndən sonra, deputat Aydın Mirzəzadənin məsələyə qarışması ilə iş sanki öz yoluna düşdü və şəhidin borcu silindi…

Bu xəbərin dedi-qodusu bitməmiş, məlum oldu ki, torpağa tapşırılmasından üç ay keçməsinə baxmayaraq, hələ də Xaçmazda şəhid Elvin Mirzəyevin nə qəbrinin üstü götürülüb, nə də baş daşı qoyulub. Baxmayaraq ki, bu məsələ 40 gün müddətində həll olunmalı idi. Prodüser Tolikin baş daşının qoyulmasını öz üzərinə götürmısindən sonra, İcra başçısı məsələyə müdaxilə edib və açıqlama verib ki, bunun üçün MN -ilə məsləhətləşməliymişlər. Baş daşının qoyulması da bu səbəbdən gecikibmiş…

İndi də Sumqayıtda “Bank of Baku” nun şəhid ailələsinə təzyiqi gündəmin müzakirə mövzusudur. Nəhayət ki, bu məsələnin də həll olunduğu haqda xəbər gəldi…

Görünən odur ki, bu xəbər ilk olmadığı kimi, son da olmayacaq. İlk və ya son olsaydı, bəlkə də bu məsələyə münasibət bildirməyə ehtiyac da olmazdı. Amma belə xəbərlərin müxtəlif bölgələrdən ard-arda eşidilməsi və gündəmə oturması, bu məsələyə münasibət bildirməyi aktual edir…

Əziz şəhid ailələri, bu hakimiyyətin 23 ildə bir nömrəli missiyası əhalinin mübarizə əzmini qırmaq olub. Fərqi yoxdur ki, bu mübarizə siyasi hakimiyyət uğrunda, fondamental hüquq və azadlıqlar və ya ərazi bütövlüyümüz uğrunda olsun. Nəticədə adı üstündə – mübarizə. 2-5 aprel əməliyyatlarda Sizlərin təribiyə elədiyiniz oğullar sübut etdi ki, hakimiyyətin 23 ildir aparığı anti-mübarizə təbliğatının onlara təsiri olmayıb. Bunu uşaqlarınıza təsirsiz ötüşməsinin əsas səbəbkarı (baiskarı yox haaa – red.) siz olduğunuz üçün, 2-5 aprel döyüşlərində sizin təribiyə etdiyiniz oğullar iradə nümayiş etdirdiyi üçün HƏDƏFDƏSİNİZ !!! …

Sizin övladlarınızın dəfnləri zamanı minlərlə insanın iştirakı göstərdi ki, bu millətin nübarizə əzmi, milli ruhu, vətəndaşlıq məsuliyyəti, vətən sevgisi hələ ölmədiyi, əksinə sizin kimi valedeyinlərin timsalında aşılanaraq yaşadığı üçün, sizin simanızda,

BU MİLLƏTİN MÜBARİZƏ ƏZMİNİ QIRMAQ, VƏTƏNPƏRVƏRLİYİNİ YOX ETMƏK ÜÇÜN HƏDƏFDƏ SİZSİNİZ !!! …

Bu kimi hallar bizim hər birimizi narahat etsə də, məyus etsə də, amma bunlar bizim ümüdimizi qırmaq əzmində deyillər. Siz bu qəhrəman oğulları böyüdə -böyüdə, bu ölkədə baş verənləri görə-görə gəlmisiniz. İndiyə kimi gördükləriniz, Sizin vətənpərvərlik ruhunuza təsir etmədiyi kimi, bundan sonra da təsir etmiyəcək.

Siz görürdünüz və bilirdniz ki;

İndiyə qədər, Sizin kimi övladları şəhid olanlar hələ də sığorta pulunu ala bilmir.
Şəhid ailələri, Qarabağ qazilərinin əksəriyyəti hələ də mənzillə təmin olunmayıb və bu təminat məsələlərində kifayət qədər haqsızlıqlar, ətintilər və gözgörəti pozuntular var.
Qarabağ qazisi Zaur Həsənov bütün hüquqi prosedurları keçəndən sonra çıxış yolunu özünü yandırmaqda gördü
Milli Qəhrəman Mübariz İbrahimov və şəhid Fərid Əhmıdov parlament seçkiləri zamanı insanların diqqətini saxta seçkidən yayındırmaq üçün məhz seçki günü dəfn olundu
Şəhid övladı şəhid olandan sonra ona qəbir yerini 200 manat qarşılığında satdılar.
Sizin kimi cəfakeş , vətənpərvər insanlar bu dövlətin yadına əsgər lazım olanda düşür. Sizin övladlarınızın uğrunda canından keçdiyi dövlət bütövlükdə Eldar Mahmudovların işğalı altındadır. Möhkəm olun , bu dövləti bütövlükdə xilas edə bilək. Elə olmasaydı Rusiyada qeydiyyatdan keçən səhmlərinin böyük hissəsi hakim ailəyə, kiçik hissəsi də SOCAR-a aid olan VTB bank Sizin oğullarının murdar elədiyi ermınilərin bank borclarını silməzdi. Sizdən qazandıqları , Sizin oğullarınızın uğrunda canından keçdiyi dövlətdən oğurladığı pulların hesabına ermınilərin bank borcları silinməzdi. Sizi banklarla üz -üzə qoymazdılar. Bəzi məmurlarının və səlahiyyət sahibi elədikləri boynuyoğunların, fərarilərin dili ilə Sizə “oğlunuz şəhid olub, Allah rehmet elesin, bizim uğrumuzda ölməyib”- dedizdirilməzdi. Həmin bankın Azərbaycanın hər bölgəsində ofisləri, geniş kredit portvelləri var. “Pokazuxa” üçün nəzərdə tutlan bir-iki istisnalar xaricində, şəhid ailələrinin 1 manat borcunu sildilərmi?!

Elə olamasaydı sizin oğullarınızla bərabər şədid olmuş əsgər və zabitlərimizə fəxri adlar xəlvətcə verilməzdi. Şərəfdən kasadlara Şərəf Ordenləri, şöhrətdən kəmlərə Şöhrət Ordenləri görürsünüzmü hansı təmtaraqla verilir? Təbii ki, görürsüz. Bütün bunlara baxmayaraq, siz elə vətənpərvər övladlar böyütməyi, təribiyə eləməyi bacarmısınız…

şəhidlər xiyabaniSon ŞəhidlərSon Şəhidlər-1Elə qəhrəman, vətənpərvər , iradə sahibi oğullar böyüdən atalar, analar onların acısını çəkə biləcək iradəyə də sahib olmamış olmaz. Öz acınızı özünüz çəkin, öz pribleminizi özünüz həll edin. Heç kimdən heç nə ummayın, bu, oğullarınızı uğrunda qurban verdiyiniz dövlət olsa belə. Tələb eləsəniz , indiyə kimi eşiddiklərinizdən daha artığını tanımadığınız birindən yox, hardasa çürük kresloda əyləşən ən yaxın qohumlarınızdan eşitməli olacaqsınız. Nə qədər acı səslənsə də, Siz daha bu dövlətə lazım deyilsiz, bir də növbəti oğlunuzun, ya da şəhid balanızın yadigarı olaraq göz bəbəyi kimi bəsləyib böyütdüyünüz nəvənizin 18 yaşı tamam olanda dövlətə lazım olacaqsınız. (AzMedia.info)