Zibilyığan maşın avtomobillərin üstünə çıxdı

Dünən günorta saatlarında Sabunçu rayonu Ramana qəsəbəsində ağır yol qəzası baş verib. Hadisə nəticəsində iki minik avtomobili yararsız hala düşüb.

Ərazidən zibil daşıyan yük maşınının əyləc sistemi sıradan çıxaraq yol kənarında duran iki avtomobili əzib. Xoşbəxtlikdən avtomobillərin içərisində insan olmayıb. Lakin yol kənarında duran insanlardan biri yüngül xəsarət alıb.Daha sonra hadisə yerinə polis əməkdaşları gəlib. Faktla bağlı araşdırma aparılır.