Sabiq MTN-çi bunca sərvətə necə yiyələnib?

Son günlərin ən səsli-küylü isimlərindən biri olan MTN nazirinin sabiq müavini, Baş prokuror yanında Korrupsiyaya Qarşı Mübarizə İdarəsinin rəis müavini general Əli Nağıyevin nəhəng biznesə malik olduğu heç kimə sirr deyil. Bircə onu xatırlatmaq kifayətdir ki, Ə.Nağyevin nəzarətində dəyəri milyonlarla ölçülən onlarla restoranı, şadlıq evi mövcuddur. Hansı ki, bu şəbəkənin özü də onun nəhəng biznes sisteminin kiçik bir hissəsini təşkil edir. Ə.Nağıyevin restoran və şadlıq evləri biznesinin nə qədər çoxşaxəli olduğunu təsəvvür etmək üçün generalın tabeçiliyindəki bəzi şadlıq evlərinin adını çəkmək kifayətdir.

Ağ Saray, yoxsa Ağ Ev?

Bilgili qaynağın məlumatına görə, general Əli Nağıyevə məxsus olan şadlıq evlərindən biri Biləcəri qəsəbəsində yerləşir: “Ə.Nağəyevə məxsus olan əsas şadlıq evlərindən biri Binəqədi rayonunun Biləcəri qəsəbəsində yerləşən Ağ Saraydır. 600 nəfərdən çox tutumu olan bu şadlıq sarayı Nağıyevlər ailəsi üçün sözün həqiqi mənasında Ağ Ev rolunu oynayır. Ailənin bütün əsas tədbirləri bu şadlıq evində keçirilir. Kitab təqdimatından tutmuş ad günləri, toy və nişanlara qədər bütün tədbirlər Ağ Sarayda reallaşır. Ağ Saray generalın böyük qardaşı Vəli Nağıyevin çox tez-tez ziyarət etdiyi məkanlardan biridir. V.Nağıyevin Ağ Saraya bağlılığının isə bir neçə səbəbi mövcuddur. “Ağ Saray” şəhərin mərkəzindən kənarda yerləşdiyi üçün daha sakit bir yerdir. Gözdən könüldən uzaq olduğu üçün V.Nağıyev bu “xəlvət” yerə çox tez-tez səfər edir. V.Nağıyevin Ağ Saraya olan məhəbbətinin daha bir səbəbi isə bu sarayın Nağıyevlərin var-dövlət gəlhagəlinin ilk nümunələrindən biri oması ilə bağlıdır. Bir müddət bundan öncə şadlıq evinin sökülməsi məsələsi gündəmə gəlsə də, Ə.Nağıyevin müdaxiləsindən sonra problem həll edildi və ailə şadlıq evini qoruya bildi”.

Paytaxt restoranları Nağıyevlərin nəzarətində

Eribarlı mənbə Nağıyevlərə məxsus digər şadlıq evləri haqqında da bilgi verdi: “Nağıyevlərə məxsus digər şadlıq evlərindən biri də “İnci” və “Nazlı”dır: “Qara Qarayev metrostansiyasının yaxınlığında yerləşən “İnci” şadlıq evi də öz məşhurluğu ilə diqqət çəkir. Minimal qiymətlərin 50 manatdan başladığı şadlıq evində yalnız kübar ailələrin nümayəndələri tədbir keçirir. Nağıyevlərə məxsus “Nazlı” şadlıq evi də öz dəbdəbəli görünüşü ilə tanınır. Burada ayın demək olar ki, hər günü toy və ya nişan mərasimləri keçirilir”.
Məlumata görə, paytaxtda Nağıyevlərə məxsus restoran və kafelərin sayı onlarladır: “hazırda paytaxtda Nağıyevlərə məxsus saysız-hesabsız kafe və restoran fəaliyyət göstərir. Bunlara “Şır-şır” restoranı, “Relax” kafesi, “Qıxılboğaz” restoranı və s. daxildir. Paytaxt və Bakıətrafında xeyli sayda restoran var ki, onların hamısının başında Nağıyevlər ailəsi dayanır. Nağıyevlərin Azərbaycanın bölgələrində də çoxlu sayda restoranı var ki, bu obyektlər də ciddi gəlir mənbəyi rolunda çıxış edir”.

Mövzunu diqqətdə saxlayacayıq