Zvartnos hava limanının saytında hamını şoka salan məlumat yerləşdirilib

İrəvanın Zvartnos hava limanının saytında hər iki ölkə vətəndaşlarını şoka salan məlumat yerləşdirilib. ANS PRESS-in haqqin.az-a istinadən verdiyi məlumata görə, saytda yerləşdirilən cədvəldə İrəvan-Bakı təyyarə reysinin vaxtı göstərilib. Cədvələ görə, “SV Biznes Aviasiya” hava yolları şirkətinə məxsus təyyarə ESW 888 saylı reyslə mayın 23-də İrəvandan yola düşüb və saat 20.30-da Bakıya eniş edib.

Məsələyə “Azərbaycan Hava Yolları” Qapalı Səhmdar Cəmiyyəti də reaksiya verib. AZAL-ın mətbuat xidmətinin rəhbəri məlumatı təkzib edib və bunu təxribat kimi qiymətləndirib.