ABŞ-ın prezident aparatının sədri Denis Makdonoq bildirib ki, iranlılar prezident seçkilərindəki fəallığına görə təbrik edilməlidir. O, Həsən Ruhaninin qalib gəldiyi seçkilərin nəticələrini ümidverici adlandırıb.

Denis Makdonoq bildirib ki, əgər Ruhani İranın dünya ilə əlaqələrini bərpa etmək istəyirsə, buna imkanı var.

ABŞ-ın prezident aparatının sədri qeyd edib ki, İran nüvə mübahisələrini həll etsə, xalqının parlaq gələcəyini təmin edilmiş olacaq.

Lakin İranla bağlı daha az nikbinliklə danışan respublikaçı senator Marko Rubio ölkədə hər şeyin ali ruhani rəhbərdən asılı olduğunu deyərək, İranı təhlükəli səmtə yönəldən ruhani liderin dəyişmədiyini bildirib.