Hadisə nəticəsində bir nəfər xəsarət alıb


Azərbaycanda baş verən yol qəzasında bir nəfər xəsarət alıb. Sumqayıt Şəhər Polis İdarəsindən verilən məlumata görə, yol nəqliyyat hadisəsi Novxanı - Corat yolunda qeydə alınıb.

Qəza zamanı “50-CX-933” dövlət nömrə nişanlı “Mercedes Benz” markalı avtomobillə “VAZ 21-099” markalı avtomobil toqquşub. Qəza nəticəsində "Mercedes" markalı avtomobildə olan bir nəfər sərnişin xəsarət alıb. Xəsarət alan şəxs xəstəxanaya yerləşdirilib.

Faktla bağlı araşdırma aparılır.