Qoç - səhər saatlarından etibarən məqsədyönlü şəkildə çalışın. Yaşananları diqqətlə müşahidə edin. Kiçik detallar və ilk baxışdan önəmsiz təsir bağışlayan təfərrüatlar gələcək yeniliklər ərəfəsidir.

Plan qurun. Son vaxtlar məşğul olduğunuz işi qaydaya salaraq bitirin.
Günün ikinci yarısında diqqətli olun.

İşin həcmini ölçərək, ilk növbədə, nə ilə məşğul olacağınızı seçin. Ev işlərini çözün.
Axşam saatlarına sizə yaxın olan insanla istirahət edin.

Buğa - fərqli gündür və bu səbəbdən də laübəli saatlar sizi gözləyir. Energetika səviyyəsi azalır. Müəyyən xəbər, görüş və ya mühüm söhbət gözləntisi sinirlərinizi gərə bilər.

Bir neçə gün əvvələ fəaliyyətinizi planlaşdırın. Əsas orientirləri seçin. Amma danışıqlar aparmayın: çətin ki, konkret nəticə əldə oluna.

Mövqeyiniz dəyişəcək. Aşkarlanan detallar fəaliyyətinizin korrektəsinə səbəb olacaq.
Axşam saatlarında aktiv olun. İzafi risk və gərginlik lazım deyil.

Su ilə bağlı tədbirlər məsləhət deyil.

Əkizlər - daha bir mərhələ başa çatır. Yeniliklər zamanıdır. Yarana biləcək imkanları təhtəlşüur səviyyəsində hiss edirsiniz. Gərəkli istiqamətdə hadisələrə təsir etməyə başlayın.

Ətrafınızdakı məkanda qayda yaradın, nizama nail olun. Gərəksiz hisslər, əşyalar və əlaqələrdən qurtulun. Dəyişikliklərə ehtiyacınız var.

Nikbin olun, pərişanlığa qatılmayın.
Axşam saatlarında özünüzə daha çox vaxt ayırın.

İmicinizdə yeniliklər edin.
Alış-veriş üçün uğurlu gün deyil.

Xərçəng - planları konkretləşdirin. Cari şərtləri və sahib olduğunuz imkanları nəzərə alaraq məqsədləri müəyyənləşdirin. İş və perspektivlərinizlə bağlı alınan siqnallara fikir verin.

Aktiv olun, amma sinirlənməyin, gərgin vəziyyəti daha da ağırlaşdırmayın.
Hisslərinizdə və planlarınızda təmizləmə aparın. Dəyişikliklər üçün simvolik müstəvi hazırlayın.

Yeni təəssüratlar alaraq emosional dirçəlişə nail ola biləcəyiniz yerdə, xoş məclisdə dincəlin. Romantik münasibətlər üçün uğurlu gün deyil.

Emosiyalar, istəklər və gözləntilər düşünülməmiş addım riskini artırır.

Şir - qarşınızda əlverişli maliyyə perspektivləri yaranır. İşin həcmi isə artır, sizə daha çox tapşırıqlar verirlər. Hazırda məşğul olduğunuz işi başa çatdırmamış yeni işə başlamayın, sifariş qəbul etməyin.

Çaşqınlıq və tələskənlik yaranmasın deyə, prioritetləri dərhal müəyyənləşdirin. Ən sərfəli, mənfəət vəd edən istiqamətdə çalışmağa başlayın.

Qarşıda yeni işlər var. Tərəfdaş və ya şəriklə ümumi mövqenin razılaşdırılması üçün ciddi müzakirələr keçirilməlidir. Tam razılaşma əldə olunmayacaq.

Perspektivləriniz və fərdi həyatınızda problemlər yarana bilər. Narazılıq ruhu dolaşır. Yalnız qətiyyətli, bitkin niyyətlər və sərt davranış pozitiv nəticələr verə bilər.

Qız - mühüm işlər dövranı başlanır. Genişmiqyaslı planlar və perspektivə hesablanmış layihələr üçün əlverişli gün deyil. Çoxdan bəri davam edən, başa çatdırılmasını tələb edən işi bitirin.

Sənədləri və iş yerini qaydaya salın. Energetika tarazlaşdırılmalıdır. Bu səbəbdən də əvvəlki vaxtlarla müqayisədə daha az istirahət edin. Fəqət, özünüzü yormayın. Uzaqdan qəfil xəbər ala bilərsiniz. Yazışma və danışıqlara daha çox diqqət verin.

Maraqlı insanlarla görüşdən və ya çoxdan arzuladığınız yerə baş çəkməkdən boyun qaçırmayın.
Daha faydalı və maraqlı məclisi intuitiv seçin.

Tərəzi - ötən həftə başlanmış hadisənin məntiqi sonluğu bu gündür. Kursu dəqiqləşdirin, addımları müəyyənləşdirin. Görüşlər zamanı huşyar olun, detallara fikir verin.

Sizi narahat edən, aktuallığını artıran məsələ ilə bağlı yeganə dürüst qərar verin. Qarşıda hadisələrin kuliminasiya nöqtəsi var. Qəfil informasiya, durumda çalxalanma yaşanacaq.

Tufanqabağı sakitliyə aldanmayın. Kimsə sizi qəfil yaxalamağa çalışır. Olaylarda faydalı təfərrüatlar arayın.

Sükan arxasında, nəqliyyatda diqqətli və sayıq olun. Ehtiyatlı davranın.

Hərəkət, fiziki işdə fayda var. Bir-birinizi asanlıqla anladığınız insanla ünsiyyətdə sadə olun.
Qarşıda birgə planlar var.

Əqrəb - işdəki uğurlarınız konkret və aşkar olmalıdır. Təzyiq cəhdlərinin qarşısını alın. Əks təqdirdə ideya və ya planınızın gerçəkləşməsi sual altına düşə bilər.

İşdə həmkarlarla rəvan münasibətləri qorumaq, evdə münaqişənin qarşısını almaq üçün güzəştli addımlar atmaq olar.

Hissləriniz çılğın həddə çatmasın. Yaşananların real perspektivlərini görməyə can atın. Tərəfdaşla əlaqələr, maliyyə və əmlak məsələləri yenidən aktivləşə bilər.

Müdrik olun. Qərarlarınızın yarada biləcəyi fəsadları bəribaşdan müəyyənləşdirin.

Oxatan - emosional amil güclənir. Enerjinizi hədər yerə sərf etməyin. Asanlıqla aldanaraq yalnış nəticəyə gələr, səhv qərar verərsiniz. Kiminsə davranışına və ya sözlərinə cavab reaksiyası ilə tələsməyin.

Alış-veriş mənasız pul xərcinə çevriləcək.
Suallara cavab axtarışı, müşahidə, təhlil məqsədilə intuitiv axtarış üçün əlverişli gündür. Dəyərli fikir və ya ideya doğula bilər.

Axşam saatlarında internetdə axtarış gözlənilməyən nəticə, tapıntı və ya ehtimal yaradacaq.

Yeni ideyanı reallaşdırmağa və ya həyatınızda nəyisə dəyişməyə tələsməyin.
Aldığınız təkliflərin əlavə məlumatlara, dolğun informasiyaya ehtiyacı var.

Su problem mənbəyinə çevrilə bilər.

Oğlaq - bilavasitə iştirakınız tələb olunan işləri intuitiv müəyyənləşdirin. Aldığınız xəbər sizi seçim qarşısında qoya bilər. Təmkinli, soyuqqanlı olun, düşünülməmiş addım atmayın. Yaşananları səbrlə müşahidə edin.

Mürəkkəb situasiyalar çözümünü tapmaqdadır. Dinləməyi bacarın. Addımları və qərarları müəyyənləşdirən emosional fonu hiss edin.

Tərəfdaş, yaxın ətrafınızdakı insanlardan biri istək, xahiş, yeni ideya ilə sizə müraciət edə bilər. Məsləhət istəyənlər də olacaq.
Sayıq olun. Şübhə və ya qısqanclığa rəvac verməyin.

Mühüm tədbir, səfər, yoxlama, təftiş, münasibətlərin aydınlaşdırılması və romantik görüşü təxirə salın.

Axşam saatlarında səhhətiniz və ailə üzvlərinin rifahını ön plana çıxarın.

Dolça - enerjiniz çoxdur və bu məhsuldarlığa, görülən işlərin miqyasına yaxşı təsir edəcək. İnad, əzm və qətiyyətin gərək olduğu işlərə başlayın.

Planlarınızı tərəfdaşla müzakirə edin. "Məhsul yığımı" vaxtı olsa da, yeni məqsəd və planların əsasını qoyun.
Son qərar qəbul etməzdən əvvəl yaxşı fikirləşin.

Görüşlər və alınan məlumatlar baş verənlərə fərqli baxışa səbəb olacaq. Ətalətli davranmayın.
Sizə paxıllıq edən insanlarla ümumi işə başlamayın.

Səhhətinizə fikir verin.
Alış-veriş zamanı diqqətli olun.

Balıqlar - gün aktiv fəaliyyət tələb edir. İşin xətri üçün ünsiyyətdə konkret olun, təfərrüatlara varın. Mənasız söhbətlərə qatılmayın.

Çoxlu zənglər, məktublar, istəklər və tələbər var. Kiçik, amma konkret nəticəli işlər üçün yaxşı gündür.

Daha ciddi, genişmiqyası işlərin detallarını müzakirə edin. Əlaqələri bərpa edin, köhnə planı yada salın. Yeni iş mərhələsinin əsasını və ərəfəsini hazırlayın.

Gərəkli istiqamətdə fəaliyyətə başlayın.
Prosesi genişləndirmək, fəallaşdırmaq və dərinləşdirmək imkanları var.