IV kurs tələbələri aprel, may və iyun ayı üçün təqaüdlərini ala bilmirlər


Lənkəran Dövlət Universitetinin IV kurs tələbələrinə 3 aydır ki, təqaüd verilmir. Tələbələrin ANS PRESS-ə verdikləri məlumata görə, onlar aprel, may və iyun ayı üçün təqaüdlərini ala bilmirlər.

Maraqlısı odur ki, Universitetin digər kurs tələbələrinin təqaüdlərinin verilməsində problem yaranmadığı halda məhz IV kurs tələbələri bu problemlə qarşılaşıblar. Təqaüdlərini ala bilməyən tələbələr Universitet rəhbərliyinə müraciət etsələr də rəhbərlikdən onlara problemin Maliyyə Nazirliyi ilə bağlı olduğu bildirilib.

Qeyri-iş günü olduğundan Lənkəran Dövlət Universitetindən məsələ ilə bağlı münasibət öyrənə bilmədik. Mövzunu diqqətdə saxlayacağıq.