Ölənlərin hamısının şəxsiyyətləri müəyyənləşib

Suraxanı rayon Polis İdarəsindən ANS PRESS-ə verilən məlumata görə, qəzaya uğrayan 214 saylı sərnişin avtobusudur. Dəhşətli qəza bu gün səhgər saat 08:10 radələrində aeroport yolunda baş verib.

Qəza zamanı 3 nəfərin öldüyü, 2 nəfərin yaralandığı bildirilir. Ölənlərin kimliyi araşdırılır. Yaralılar 18 yaşlı Vüqar Rəhimli və 28 yaşlı Elşən Kərimov xəstəxanaya yerləşdirilib.

Qəza zamanı aeroport yolunda böyük tıxac yaranıb. Hazırda yol polisləri tıxacın aradan qaldırılması istiqamətində çalışırlar.

Suraxanı Rayon Polis İdarəsindən APA-ya verilən məluma görə, qəza nəticəsində dünyasını dəyişənlərin 1980-ci il təvəllüdlü Fariz Rəşid oğlu Məmmədov və 36 yaşlı Tahirə Əyyub qızı Məmmədova olduğu məlum olub.

Polisdən həmçinin bildirilib ki, baş vermiş ağır yol nəqliyyat hadisəsi ilə bağlı Suraxanı Rayon Polis İdarəsinin istintaq şöbəsində cinayət işi başlanıb, istintaq tədbirləri davam etdirilir.


***10.13

Bu gün səhər saat 08:10 radələrində aeroport şossesində ağır yol qəzası baş verib. Bakı şəhər Dövlət Yol Polisi İdarəsindən Trend-ə verilən məlumata görə, aeroport şossesində sərnişin avtobusu ilə minik maşını toqquşub.

Hadisə nəticəsində 3 nəfər dünyasını dəyişib, 2 nəfər yaralanıb. Yaralılar 3 saylı şəhər Klinik Xəstəxanasına yerləşdirilib.
Dünyasını dəyişən şəxslərin 2-si qadın, 1-i kişi olub.