Astroloji proqnoz

Qoç
2013-cü ilin avqustu bu bürcün nümayəndələri üçün yaradıcı ab-havada keçəcək. Ola bilsin ki, baş vermişləri düşünmək, analiz etmək ehtiyacı duyacaqsınız. Olmuşları daha yaxşı anlamağa çalışacaqsınız.
Məhəbbət. Daha yaxşı olar ki, evin təmiri və ya yeni soyuducu almaq kimi məişət işlərilə məşğul olasınız. Avqust ayı sizə romantik heç nə vəd etmir.
Gəlir. Bu ay vəzifədə irəliləmə gözlənilmir. Maddi cəhətdən ayın sonu sıxlıq cəkəcəksiniz.

Buğa
Avqust ayında Buğalar çevik və zarafatcıl olacaqlar. Boş yerə əsəbiləşməyəcək, bütün problemləri asanlıqla həll edə biləcəklər. Siz həyata daha optimistcəsinə yanaşacaqsınız. Əlbəttə ki, bu sizin əhvalınıza da gözəl təsir edəcək.
Məhəbbət. Buğalar avqust ayından tam yararlana bilərlər. Bu ay sizin üçün uzun sürəcək və ulduzlar sizə ciddiliyə doğru gedən romantik münasibət vəd edir.
Gəlir. Professionallığınızı artırmaq üçün gözəl şanslarınız olacaq. Maddi cəhətdən problem olmasa da peşənizi dəyişmək fürsəti yaranacaq.

Əkizlər
Əvvəlki aylardan fəqli olaraq Əkizlər onları narahat edən hər bir şeyin öhdəsindən asanlıqla gələcəklər. Minimum güc sərf etməklə maksimum nəticə əldə etmə şansınız var. Əgər görsəniz ki, hər şey yağ kimi gedir, ulduzlar sizə tam rahatlanmağı məsləhət görürlər.
Məhəbbət. Bürcün tənha nümayəndələri şübhəli münasibətlərdən qaçmalıdırlar. Bu ay ciddi heç bir şey olmayacaq.
Gəlir. Ulduzlar uğurlu işbirliyi vəd edirlər. Əməyiniz səxavətlə qiymətləndiriləcək.

Xərçəng
Avqust ayında Xərçənglər nəyin onlar üçün vacib olduğunu və nəyin çatışmadığı problemi ilə üzləşəcəklər. Onlar nə etmək lazım olduğunu çox həssaslıqla anlayacaq və öz ehtiyaclarını ödəyə biləcəklər. Ulduzlar vacib məsələlərdə kənardan gələn məsləhətlərə fikir verməməyi tövsiyə edirlər.
Məhəbbət. Avqust ayı romantik macəralarla, intriqalarla bol olacaq. Ciddi heç nə gözlənilmir, siz özünüz də buna hazır deyilsiniz.
Gəlir. İş həyatınız sizdən əzm tələb edəcək. Sizi gözdən salmaq istəyənlərin cavabını verməkdən çəkinməyin.

Şir
Ulduzlar Şirlərə avqust ayında müəyyən davranış qaydası seçməyi və daima ona riayət etməyi məsləhət görürlər. Davranışınızın tez-tez dəyişməsi sizi kənardan qeyri-ciddi, dəyişkən insan kimi göstərə bilər. Belə davranış bəzi insanlarda sizin haqqınızda mənfi fikir formalaşdıra bilər.
Məhəbbət. Şirlər romantika ilə dolu bir ay yaşayacaqlar. Amma hadisələrn monotonluğu onları bezdirdiyi üçün ayrılmaq qərarı verəcəklər.
Gəlir. Ulduzlar çoxdan arzuladığınız mənzil probleminin həll olma şansları yaranacağını vəd edir. Ümumilikdə, maddi vəziyyətiniz stabil olaraq qalacaq.

Qız
Qızlar avqust ayında ehtiyatlı olmalıdırlar. Bu ayda onlar hər şeyə şübhə ilə yanaşacaqlar və ətraflarında ürək açmayan səhnələr yarana bilər. Həm də bu səhnələri özləri yaradacaqlar. Bunlardan qaçmaq üçün özünüzü sakit və təmkinli aparmağa çalışın. Əbəs yerə əsəbiləşməyin.
Məhəbbət. Əgər münasibətlərdə durğunluq yaşayırsınızsa, ulduzlar fəal olacağınızı göstərir. Təşəbbüs göstərmənizə gərək qalmayacaq, hər şey öz-özünə yaranacaq.
Gəlir. Karyeranızdakı hadisələr müsbət tərəfə dəyişəcək. Ulduzlar kollektiv əməkdaşlıq tələb edən layihələrlə işləməyinizi tövsiyə edir.

Tərəzi
Tərəzilər avqust ayında məsuliyyətsizlik hissi yaşayacaqlar. Əvvəllər kimlər üçünsə və ya nələr üçünsə narahat olurdunuzsa, indi tamamilə əksinə olacaq. Ortaq məxrəci tapmağa çalışacaqsınız. Bundan başqa, öz məsuliyyətinizi yaxınlarınızın üstünə atmayın.
Məhəbbət. Əgər problem yaratmasanız, münasibətlərdə hər şey yolunda olacaq. Sizin üçün uğurlu aydır.
Gəlir. Professional həyatınızla əlaqədar heç kimin fikrinə ciddi yanaşmayın. Qərarları özünüz verməyə çalışın.

Əqrəb
Bu bürcün nümayəndələri avqust ayında təsir güclərini genişləndirəcəklər. Məhz bu ay hər şey tez və nisbətən asan başa gələcək. Ulduzlar məsləhət görür ki, yeni zirvələri fəth etdikcə, əlinizdə olanları da qorumağı bacarın.
Məhəbbət. Ciddi qərar qəbul etməniz gərəkəcək. Əgər çoxdan görüşürsünüzsə, ulduzlar nikah üçün uyğun zaman olduğunu göstərir.
Gəlir. İş həyatınız ən uğurlu dönəmini yaşayacaq. Səyahət perspektivi gözlənilir.

Oxatan
Ulduzlar Oxatanlara imkan olduqca istirahət etməyi məsləhət görürlər. Əgər mümkün olsa, yaxınınızı da götürüb, heç bir zaman olmadığınız yerlərə səyahət edin. Sizin istirahətə ehtiyacınız var. Həm yenı mühit sizi sakitləşdirəcək, həm də geriyə yeni nəfəslə qayıdacaqsınız.
Məhəbbət. Köhnə sevgilinizlə təsadüfən görüşə bilərsiniz. Amma ürəkaçmaz xatirələr yenidən sevgi yaşamanıza mane olacaq.
Gəlir. Çox vacib bir layihəni işləməyə başlayacaqsınız. Gəlirlərinizin artımı gözlənilir.

Oğlaq
Avqustda Oğlaqlar üzərlərinə yerinə yetirə bilməyəcəkləri qədər məsuliyyət götürəcəklər. Məsuliyyətin öhdəsindən gəlsələr belə, özlərini elə yükləmiş olacaqlar ki, həddindən artıq yorulacaqlar. Amma siz gözlədiyiniz nəticəni əldə edə bilməyəcəksiniz.
Məhəbbət. Ailəli Oğlaqlar güzəştə getməlidirlər. Əks tərəfdən də eyni münasibəti görəcəklər.
Gəlir. Məqsədiniz uğrunda mübarizə aparmaq üçün ən yaxşı vaxtdır. Məqsədinizə nail olsanız, gəliriniz də artacaq.

Dolça
Dolçalar üçün avqust çox sakit keçəcək. Həyatınızda ciddi dəyişiklik olmayacaq. Bu mərhələdə baş verənlər gözlənilən olduğundan sizi təəccübləndirməyəcək. Buna görə də mənfi və ya müsbət sürprizlər gözləməyin.
Məhəbbət. Sevdiyiniz insanla incə rəftar edin. Danışığınıza fikir verin, düzgün anlaşılmaya bilərsiniz.
Gəlir. İşlədiyiniz məkanda diqqət mərkəzində olacaqsınız. Kolleqalarınızın məsləhətinə ehtiyacınız olacaq.

Balıqlar
Balıqlar avqust ayında onlar üçün yolverilməz olan bəzi problemləri qəbul edəcəklər. Məsələn, küsülü olduqları biri ilə heç vaxt danışmayacaqlarını düşünsələr də barışmağa məcbur qalacaqlar. Və bunu istər-istəməz etməli olacaqlar.
Məhəbbət. Romantik münasibətlər üçün ayın əvvəli daha uğurludur. Münasibətlər ciddi olacaq.
Gəlir.Karyeranızın irəliləyişi gözlənilmir. Gəlirləriniz stabil olaraq qalacaq.