Ermənistan silahlı qüvvələri mövqelərimizi atəşə tutublar


Ermənistan silahlı qüvvələri Füzuli rayonu istiqamətində mövqelərimizi atəşə tutublar.

Müdafiə Nazirliyindən daxil olan məlumata görə, erməni silahlı bölmələri dünən və bu gecə Füzuli rayonunun Aşağı Əbdülrəhmanlı, Aşağı Seyidəhmədli, Qorqan, Xocavənd rayonunun Kuropatkino, Goranboy rayonunun Tapqaraqoyunlu kəndləri yaxınlığında və Göygöl rayonunun ərazisindəki adsız yüksəkliklərdə yerləşən mövqelərdən Silahlı Qüvvələrimizin mövqelərini atəşə tutublar.

Düşmən cavab atəşi ilə susdurulub.