Röyanı ölkədən qaçaq salan qalmaqalla bağlı yeni şok məlumatlar

gundemxeber.az Müğənni Röyanı ölkədən qaçaq salan qalmaqalla bağlı yeni məlumatlar yayılıb. Bu məlumatlarda bir nazirin də adı keçir və bu qalmaqaldan sonra nazirlərdən birinin müğənniyə zəng edərək ona sərt mesajlar verdiyi bildirilir. Hadisə ilə bağlı gunxeber.com-un apardığı araşdırmada həmin nzairin kim olduğu və Röyayala onun arasındakı söhbətin təfərrütları açıqlanır.
Qeyd edək ki, ötən ay müğənni Röyanın Mütəşəkkil Cinayətkarlığa Qarşı Mübarizə İdarəsinə aparlması ilə bağlı yayılan məlumat hələ də gündəmdədir.Məlumatlara görə, müğənnilər Röya ilə Elton arasında uzun müddət imiş mahnı üstündə mübahisə yaşanıbmış. Elton Röyanı mübahisə zəminində hədələyib. Bundan sonra hər iki müğənni arasında mübahisə daha da böyüyüb. Röya bununla bağlı uzun müddətdir dostluq etdiyi Səfərbərlik və Hərbi Xidmətə Çağırış üzrə Dövlət Xidməti (SHXÇDX) Mingəçevir şəhər şöbəsinin rəhbəri, general Bəylər Əyyubovun yaxın qohumu Əqid Bayroyevə müraciət edib. Xahiş edib ki, Eltonu cəzalandırsın. Hərbi komissar da eləməyib tənbəllik, Eltonun üstünə silahlı adamlar göndərib. Həmin adamlar müğənnini sillələyəndən sonra onun başına silah dirəyiblər. Ona “bir də Röyaya gözün üstə qaşın var desən, səni öldürərik” tipində hədə-qorxu gəliblər.
Başına gələn bu hadisəni yaxın ətrafına danışandan sonra dostlarından kimsə Eltona başa salıb ki, bununla bağlı hüquq-mühafizə orqanlarına müraciət etsin. Elton da DIN Baş Mütəşəkkil Cinayətkarlıqla Mübarizə Idarəsinin (BMCMI) rəisi Mirqafar Seyidovun adına şikayət ərizəsi yazıb. Bundan sonra əməliyyat hazırlanıb. “Bandotdel”in əməkdaşları Röyanı gözəllik salonunda makiyaj masasının arxasından götürərək idarəyə aparıblar. Elton da BMCMI-yə dəvət olunub. Müstəntiq müğənniləri üzləşdirib və Röya Eltonu Əqid Bayroyev vasitəsilə cəzalandırdığını rəsmən etiraf edib. Bu olay Bəylər Əyyubova çatdırılandan sonra qohumunun işdən qovulmasına etiraz etməyib.
Röya isə bu hadisədən sonra telekanallara müsahibəsində artıq səhnədə olmaq istəmədiyini, Azərbaycandan gedəcəyini bildirmişdi. Müğənni Eltonla isə çox ağır davranılıb, o çox pis formada təhqir olunub və bu hadisə bir çox adamın yanında baş verib. Baş verənlər isə telefonla çəkilirmiş. Elton bu çəkilişin sonra yayılacağıından narahat olaraq hüquq-mühafizə orqanlarına müraciət edib. Məsələnin üstü açılandan sonra general Əyyubov bu hadisənin təşkilatçıları və iştirakçılarının sərt şəkildə cəzalandırılmasına göstəriş verib.
Vəziyyət o həddə çatıb ki, birbaşa nazirlərdən birinin vasitəsilə Röyaya çatdırılıb ki, təcili ölkəni tərk eləsin. Röya isə bir müddət ölkədən getməyə tərəddüt etsə də, sonra məcburiyyət qarşısında belə addım atmağa əcbur olub. Müğənni bilib ki, əks təqdirdə çox ağır formada cəzalandırılacaq. Ona bu sərt mesaj isə birbaşa mədəniyyət və turiz naziri Əbülfəs Qarayev vasitəsilə çatdırılıb. Röyaya bildirilib ki, başının salamat olmasını istəyirsə ölkədən getməlidi.
Röya isə yaxın ətrafına bildirib ki, Azərbaycandan getmək onun üçün çox çətindi. Bu qədər fanat ordusunu, maddi imkanları atıb getmək, hər şeyi başqa ölkədə sıfırdan başlamaq deməkdi. Müğənni b bu vəziyyətdən çıxaraq ölkəyə qayıtmağa çalışır. Məlumata görə, müğənninin vəziyyəti düzəltməklə bağlı cəhdləri hələlik nəticə vermir.
Məsələ ilə bağlı qarşı tərəfin də mövqeyini dərc etməyə hazırıq.