Təmir-tikinti işləri aparılan Şamaxı-Göylər yolunda “Azsamand” markalı minik avtolmobili "KamAZ" markalı yük maşını ilə toqquşub
Şamaxı rayonunda ağır yol qəzası baş verib.Hazırda təmir-tikinti işləri aparılan Şamaxı-Göylər yolunda Göylər kəndi yaxınlığında “Azsamand” markalı minik avtolmobili "KamAZ" markalı yük maşını ilə toqquşub. Şamaxı rayon Polis İdarəsindən verilən məlumata görə, "KamAZ" Şamaxıya doğru hərəkət edən Şirvan rayon sakini Rafiq Səmədovun idarə etdiyi minik avtomobilinin yoluna çıxıb.

Hadisə nəticəsində minik avtomobilinin sürücüsü Rafiq Səmədov dünyasını dəyişib. Onun avtomobilində olan sərnişin 55 yaşlı Rahil Yusifov müxtəlif dərəcəli bədən xəsarətləri ilə Şamaxı Rayon Mərkəzi xəstəxanasına yerləşdirilib.

İlkin məlumata görə, hadisə nəticəsində dünyasını dəyişən şəxsin Şirvan Rayon Məhkəməsinin hüquq müdafiəçisi olduğu xəbər verilir.

Faktla bağlı Şamaxı Rayon Məhkəməsində cinayət işi açılıb, araşdırma aparılır.