Bakının Yasamal və Nəsimi rayonlarının bəzi ərazilərinə içməli suyun verilişində məhdudiyyətlər olacaq.

"Azərsu" Açıq Səhmdar Cəmiyyətinin Mətbuat xidməti şöbəsindən verilən məlumata görə, Bakı şəhəri Yasamal və Nəsimi rayonlarına verilən içməli suyun dəqiq uçotunun aparılması məqsədi ilə şəhərin giriş hissəsində - Moskva prospektindən keçən 500 mm diametrli magistral su xətti üzərində yeni elektron su sayğacı quraşdırılır.

Bununla əlaqədar çərşənbə axşamı gün ərzində Yasamal və Nəsimi rayonlarının bir hissəsinə içməli suyun verilməsində məhdudiyyətlər olacaqdır.

Yaranmış narahatlıqla əlaqədar "Azərsu" ASC abunəçilərdən üzr istəyir.
.